之前睇過段trailer，諗住佢會好搞笑，但原來呢套真係純粹喜劇咁簡單，雖然相比下都算話有d內容，不過佢套戲帶出既訊息就好籠統，叫d人唔好用大話換取任何野，因為有得必有失，聽落去好似有d向時下年青人說教，不過無論如何呢部都算係成功既喜劇。
至於演員方面，所有有重心戲既演員都做得非常好，令到佢地所表現出黎既變得好一般，其實個個演員今次都盡量花心機去娛樂觀眾，整體地都獲得一定既分數。個人來說，兩位主角Isla Fisher同埋Hugh Dancy都配合得唔錯，尤其是他倆合作所產生既化學作用，使觀眾看得舒服，容易引發共鳴。至於奸角Leslie Bibb就十分平庸，佢似好表面咁演繹左出黎就算，100%敷衍了事，根本俾唔到說服力。
我個人就幾鐘意呢套戲，雖然簡單冇「架子」，但其喜劇元素卻十分豐富，啱晒d平時好大壓力既都市人去觀看，故勿論其電影既完美度，但其簡單易明既手法卻俘虜左無數觀眾的心，相信呢套戲應該會比原著更為吸引，更為精彩。
評分：場景：7/10
效果：23/30
內容：21/30
演員：23/30
總分：74/100
年終獎既考量：
The Best Adapted Screenplay
The Best Actor Performance in Leading Role---Hugh Dancy (Luke Brandon)
The Best Actress Performance in Leading Role---Isla Fisher (Rebecca Bloomwood)
The Best Actress Performance in Supporting Role---Krysten Ritter (Suze)
The Best Ensemble Cast
The Best Art Direction
The Best Costume Design
The Best Visual Effects
The Best Partner---Isla Fisher & Krysten Ritter
The Best Beginning
The Best Ending
The Best Scene---Women crash into the sales
The Best Character---Isla Fisher (Rebecca Bloomwood)
The Best Trailer
其他對這部電影既意見：
Ben:潮拜購物狂 Confession of a Shopaholic - 邊樹有confession?
Alex - 潮拜購物狂
晞 - 潮拜購物狂：金牌監製力保不失
SPK - 《潮拜購物狂》
荷里活又一愛情"悶"戲，睇之前以為內容應該接受到，唔會講d好dull既話題，點知成套戲咁短，都可以講到d野七國咁亂，即使眾演員如何落力，都谷唔到部戲，反而賣到自己d演技，唔知個casting係咪特登玩野，除左主角之外，d演員全部都上晒年紀，令人睇落去更加down。
基本上個個演員都演得差唔多，全部平起平坐，唯獨我認為Harry Connick Jr.既演出係平凡中最不平凡，但係成套戲佢似男配角多過男主角，所以提名嗰度會作男配角既安排。另外，飾演秘書既Siobhan Fallon都幾好，戲份又多，演技又老練，個女主角完全比佢比左落去。
雖然我喺呢部戲唱反調，但我幾欣賞佢sell景時落既功夫，我諗cameraman做既時候都唔會好輕鬆。可惜既係無論如何都將事情複雜化，其實件事好容易就可以表達出黎，所以導演喺呢方面就要好好注意下。
評分：
啱啱睇完呢部戲，應該會寫到第一身感受。之前聽人講呢套戲睇到尾會好感動，d人全部都話會有眼濕濕既感覺，但係唔知點解，我睇完之後，一d想喊既感覺都冇，只係覺得呢部戲帶出一d好簡單既訊息罷了。不過，佢利用詳盡既表達觸動每一位觀眾既心靈，不多不少，恰到好處既手法就令觀眾十分欣賞。
呢部戲雖然唔係賣演員班底，但係主要演員既來頭全部唔細。男主角Brad Pitt憑著呢部戲首次踏足影帝提名人之路，在戲中由老到嫩逆轉地演繹自己特別多變既人生，但原來有d老同埋嫩既戲份都唔係佢可以拍得到，淨係呢個角色，都應該搵左大約五六個演員幫佢；女主角Cate Blanchett係第七十九屆oscar女主角兼女配角提名人，演技有番咁上下，睇落又真係唔錯，希望佢既努力會換到一天既成功。
原本呢part應該係總結，但因為上面唔夠位，所以借埋呢度做演員評論。當中有不少既配角都幾耀眼，唔會齋俾兩位主角一枝獨秀，例如飾演Benjamin養母既Taraji P. Henson，飾演Benjamin初戀情人Elizabeth既Tilda Swinton等等，都表現到自己踏實自然既演技，完全保持到前一輩演員既水準。
評分：
嗰日睇完戲之後，咁啱喺同一個商場搵到間超正既影碟舖，除左HMV之外，呢間算係我記憶中最大既Disc Shop。打後再搵到機會入去搵下d「漏網之娛」，希望可以物色到d啱心水既碟，在茫茫碟海中，被我搵到呢隻差唔多七八年前既作品，看影碟封面好像一般愛情爭寵戲，三個女人為一個俊男打生又打死，點知原來套戲既訊息完全唔同，只係叫人在秘密中繼續生活，有d無厘頭。
正值當時，《天國的階梯》紅起了崔智友，所以整套戲即使分開三段，仍然覺得崔智友在女角中既戲份最多，但因為整套戲都有李秉憲既存在，三位女角只會在與李秉憲有對手戲的時候才被認真地留意。李秉憲既作用純粹為了創造一個「靚仔不專一」既形象，不加修飾地呈現一般俊男既心態；秋相微飾演既大家姐，顯露出已婚女性沒有性生活的寂寞心情，即使再堅定的性格，都不可抵抗男士既誘惑；崔智友在戲內無書不歡，就連「性」都要靠參考，好戲就是好戲；金孝貞的三妹角色，刻畫時下年青人想做而不顧後果的情況，三分鐘過後，熱度就立刻消退，令到後悔既時候已經太遲。
其實本來打算放棄打呢篇影評，不過話晒呢套都係第一次睇，就計埋落競賽部分啦。睇完呢部韓國片之後，對韓國既愛情喜劇的確有d興趣，但先決條件係要有靚仔靚女先得嫁~~~
評分：
相隔左幾日，我又同班同學仔去左周圍貢，發現到呢套「G.I.Joe」，睇落有型仔靚女，應該都唔會唔好睇，沒想過一開場，戲院竟然賣左兩個字(10分鐘)廣告，而家俾你哋估下間戲院喺邊先。故事情節尚可，豐富既打鬥場面成為左套戲既賣點，隔冇耐又再打過，完全唔會有機會俾你rest，一些穩紮穩打既橋段，在現代既社會配合起來，不失反帶有噱頭，這套戲實屬暑假檔最值得一睇既動作片，為我這些準備重返校園既同學預先熱下身。
由於篇幅所限，因此不能談及逐個演員的演出，但最後要提既Sienna Miller，始終佢既Ana形象算係全套戲最鮮明、搶鏡，鋒頭好比同劇既李秉憲，希望到續集時，能夠再看到兩位精湛既演出。縱使這部集合左很多特技既大片在上畫前贏盡注視及口碑，但各演員在演技方面勉強地算是不過不失，有些部分沒有太多既刻畫，已經可以讓觀眾明白箇中玄機，有些則點極唔明，所以演員應在表達方面加倍努力，否則在出演著重演技既電影時，便會成為眾矢之的。
評分：
大大話話，在今年已經有唔少卡通片的進帳，雖然我冇喺度交代之前嗰d卡通電影，但係我覺得呢部電影可算係卡通中的甘泉，之前仲以為呢部應該會大眾化咁爛，點知睇出黎又唔係咁差噃。惟一能夠吸引我既係配音人員的聲線，充分地盡了自己的責任，成功介紹故事內容。
由於呢套戲唔係真人show，所以冇得講演技。不過，我仲有配音方面可以講下，原本以為「柴九」喺套戲入面會係幾搶既角色，點知原來係陪個仔黎客串下；可是，佢哋用心既製作，都冇白費心機，最起碼得到大部分人的支持~~
喺我印象中，呢度算係咁耐以來最好既外國卡通電影，當然與日本或其他亞洲地區的卡通製作還有很多的改善空間，希望日後能夠欣賞更有「睇頭」既演出。