終於有第一部唔係在香港上映過既電影影評，呢套戲其實早在今年一月既台灣上映，不過等左都幾耐，先出dvd，姑勿論其內容既踩界部分，但係成套戲想透過踩界內容帶出好深層既意義，就好似中國語文及文化科既其中一篇咁，人生既意義在於過得無悔，追求最高境界既精神，而戲中既各個角色都好獨特，但係唔知點解外國既評價唔係太好。
雖然班演員唔算係型仔靚女，但係個個演員都做得自己既性格，幾本上可以媲美演技較好既美演員，不過可能有好多演員係新人，同埋觀眾較習慣美國演員既演法及水準，所以佢地既演出可謂比下去。呢個故事涉及既話題都算敏感，除了性外，還有毒品及迷幻派對，其實對年輕觀眾都有幾大既影響，因為香港既尺度無咁闊。
我個人覺得，整個故事鋪排斷續太多，雖然係講緊多段既情侶關係，但係應該加強故事既線索，有較好既連貫，咁樣就可以事半功倍。
評分：場景：3/5
音效：10/15
效果：13/20
演員：30/35
內容：20/25
總分：76/100
年終獎既考量：
The Best Picture
The Best Original Screenplay
The Best Actor Performance in Leading Role---Mario Casas (Tony)
The Best Actress Performance in Leading Role---Ana de Armas (Carola)
The Best Actor Performance in Supporting Role---Hugo Silva (Carlos)
The Best Actress Performance in Supporting Role---Ana Maria Polvorosa (Marina)
The Best Ensemble Cast
The Best Score
The Best Visual Effects
The Worst Actor Performance in Supporting Role---Yon Gonzalez (Nico)
呢部戲既內容唔係最吸引我睇既原因，最主要係《Mamma Mia！》女主角Amanda Seyfried有份做呢部戲，因為上次睇完佢演出之後，覺得佢做戲都幾唔錯，所以都好期待佢今年上映既戲。之前在「Young Post」睇過套戲既介紹，好似係d幾感人既故事，不過事實與宣傳有少許不同。
兩個主角都係靠外表去吸引美國同埋港既年輕觀眾，但係佢兩個演技都唔算幼嫩，可能個一早已經有演戲經驗。男主角Channing Tatum原來在《G.I.Joe: The Rise of Cobra》已經擔正，不過我當時覺得李秉憲實在太型，所以冇乜留意過呢位年輕主角，今次反而佢幾搶鏡，亦覺得佢有真材實料，希望佢愈做愈紅。女主角Amanda Seyfried在上一段都介紹過，今年美國都有幾部戲有唔錯既評價，好似《Chloe》及《Letters to Juliet》，唔知幾時先可以睇到佢既戲呢？
我覺得套戲略嫌唔好既係兩位主角感情結局既交代，我唔明點解最後佢地要分開，又唔明最後佢地既擁抱代表d乜，真係有少少含糊。
評分：
一個充滿報復既計劃，在途中犧牲了自己兒子，我相信劇中那位女作家一定不好受。我覺得呢套戲係悲劇，但係題材關於劇作家同埋電影製作人。套戲同上次芬蘭《Black Ice》差唔多，d關係都係亂黎，而且套戲唔係用英文，其實有少少悶。
既然唔係荷里活片，d演員梗係唔會好熟悉。Penélope Cruz雖然係女主角，但係佢在戲中既戲份唔算係太多，因此我覺得恰到好處，唔會過左火位，又唔會爭好多野。而其他角色其實都做得好好，不過因為d名太長，所以便不逐一提及。不過，兩個主要男演員個樣都有幾分相似，所以我成日都搞唔清楚d角色。
故事交互敘述男主角在年輕及步入中年時既唔同生活，講真劇情都好貼近現實生活，不過套戲過於渲染報仇既概念，就算對自己帶來傷害，都要損己損人，不過而家呢個世界真係乜人都有，希望所有「衰人」都可以從此在呢個世界上消失。
評分：
呢套戲如果純粹以消遣既態度欣賞既話，咁就真係唔明套戲講乜，因為成套戲充滿恐怖懸疑既氣氛，個故事有少少似科幻故事，但亦係一部講訊息既電影，主要係良心及貪心的抉擇，感覺上有d似n年前電視台既《奇幻潮》咁，把自己擁有既人性給交易，換來一大堆金錢，但最後故事主人翁已經後悔莫及。
故事主要圍繞著三個角色，亦即是一個家庭同埋一個美國秘密組織，飾演一家之主既James Marsden，在演藝圈浮游，偶有佳作大多係喜劇演出，今次做一個嚴肅既角色，我又係第一次睇佢做戲，覺得佢做得幾好，而女主角Cameron Diaz繼上次《My Sisiter's Keeper》之後，再有呢個唔錯既演出，我覺得好過上次添，因為此次演出較為自然。至於Frank Langella，我覺得佢做尼克遜總統比較有說服力，今次做奸角有少少「兩頭唔到岸」。
個故事最後算係完得幾妥當，亦好圓滿地解釋左呢個組織設陷阱既運作，不過最後唔可以大團圓結局，真係有丁點兒可惜。
評分：
我個人好少睇政治電影，因為大多數內容都會十分悶，冇乜輕鬆既功效。在呢套《Invictus》入面，講個總統如何在出獄後籠絡人心，最後俾佢成功得到白人既歡心，安安穩穩地當一個南非總統。電影中以南非欖球隊做主線，講總統點樣利用佢地吸納人民支持，同時又安排左一幕幕既奇蹟出現。
演員方面，飾演南非總統既Morgan Freeman，比較出名既作品係《Million Dollar Baby》，佢今次既表現可謂近年較好既一個角色，內心戲逼真如現實。Matt Damon貴為影壇紅星，曾經係小生既佢一出道已有相當既演技，今次即使係配角，亦盡情流露應有演技，值得讚賞。整個欖球隊既演員都唔錯，不過就冇乜巨星水準。
較為可惜既就係，把運動政治化，吸引力已經大減，並且把兩者結合，然後在電影上表達，真係有好多悶位，所以無論班演員做成點，都無助挽回套戲既平淡評價。
評分：
開頭睇部戲個名好似好叛逆咁，以為係一d家庭式對少女成長既叛逆行為既糾紛，原來係一個在社會較常見既個案，就係在家人和理想之間既抉擇，當然一般電影都會講個年青人點樣證明給父母，睇下自己既才華，以勸服屋企人支持佢。
在角色方面，較為人熟悉既係主角Ellen Page，佢在之前憑著《Juno》候選Academy Awards影后，都算係一個幾成功既年經藝人，佢在咁細既年紀聲名大噪，我相信佢一定會有唔錯既發展，我覺得呢套戲都算ok。另外，部戲既一個亮點仲有Drew Barrymore，佢不單只係演戲，而且仲親身兼任導演及監製，佢都好有電影既熱誠。
可惜套戲既題材唔算太突出，但以滾軸硬地溜冰為主線，都為觀眾所接受，而且一貫年青觀眾叛逆心態都差不多，所以評價不算太差，不過劇情略嫌太悶，冇乜高潮位，希望日後同類電影會有好少少既發揮。 
評分：
啱啱部機整番好，又隔左成個月冇打影評，好似有少少空虛，所以趁住考試前有少少時間，盡量趕起一部分電影先，呢套係其中一套今年睇既舊片，因為當時對電影冇乜熱誠，所以只係聽過套戲既名，而唔係好知個內容嗡乜。睇完之後，覺得套戲都真係值得一睇，無論Casting，抑或場景內容，都引人入勝，難怪在Academy Awards上有好成績。
套戲在cast方面都幾強，兩位男主角Heath Ledger同埋Jake Gyllenhaal都好為部戲，不惜出賣色相，拍一齣膾炙人口既同志愛情片，可能係部戲夠深度，佢兩個演出黎先有那種味道。而另一位做幾好既係Michelle Williams，之前在《Synecdoche, New York》曾經見過佢既芳蹤，但係顯然呢部戲既發揮比較好。仲有其他戲份唔多既角色，一一都做得唔錯，因此呢part係呢部電影既致勝之道。
我最唔鍾意套戲既地方係個結局，因為我覺得部戲應該「有情人終成眷屬」，可惜Jake Gyllenhaal臨尾死左，呢段感情算係唔能夠開花結果。
評分：