去年Academy Awards最佳動畫俾《Up》拎左，可算是實至名歸，在2009 Jnk Film Awards裡面，《Up》亦拿下同一個獎，這證明此部戲的實力(我記得我寫影評既時候係唱反調)。但事實上在Oscar之前，我都一直撐呢套《Fantastic Mr.Fox》，因為個題材同埋配音係我喜愛的，不過仍然不及《Princess and the Frog》既fantasy。在香港上畫的時候，我被Meryl Streep及George Clooney等大cast配音而吸引，但係睇完之後有少少失望。
角色的刻劃在這套戲得唔錯，雖然唔會令人睇完之後仲記得d角色，但係每一個角色都有佢存在的價值，唔會有d行行企企。主角一家的背景及遭遇十分有趣，甚至Mr.Fox既號召能力都驚人非常，可惜內容有唔少矛盾，故事把好角色寫成經常偷竊的狐狸，而那些保護自己產業的生產商則是大壞蛋，在現實生活有點兒歪曲事實。結果地底的小動物平安無事，靠的是Mr.Fox既機智，但係呢d急才唔係亂咁用，對教育小朋友相信係一個窒礙。
呢套戲大問題就係畫質，唔知會唔會同故事背景有關，成套戲既順暢度完全落後，假如這些技術上的問題得以解決，我相信呢套動畫應該可以爭下最佳動畫。經過一輪考量後，本人決定在年終獎增設The Best Foreign Picture (Non-English)，以表揚出色的非英美片類，本人亦會盡快編輯早前外語片的影評。
評分：場景：2/5
音效：10/15
效果：13/20
演員：29/35
內容：20/25
總分：74/100
年終獎既考量：
The Best Animated Feature
The Best Adapted Screenplay
The Best Score
The Best Sound Mixing
如果將一套戲重新拍過既話，其實導演的壓力都好大，因為能夠把兩齣戲比較，看起來會更加明確。呢套《Alice in Wonderland》，曾經在1951年以純動畫形式上映，今次以真人上陣，實屬導演的明智之舉，起碼性質唔同，不能直接比較。另外，近期以真人上陣的半動畫興起，去年既《A Christams Carol》因為時間唔配合，所以好壞參半，而呢部改編自童話的電影，雖然在美國的影評一般，但係極受香港戲迷歡迎。
早前雜誌都介紹過，有好多角色的造型都算特別，有「大頭皇后」Helena Bonham Carter及「瘋帽子」Johnny Depp。既然係吸引小朋友去睇，那當然不會太講究演技，而在把重點放在如何令內容較容易「入屋」，只要受小朋友歡迎，呢套戲已經成功左一半，因為電影製作主要是為了賺錢，小朋友市場的收益較為可觀，而且噱頭具吸引力，相信不太難吸納其他階層的市場。
如果刻意地討論此齣戲的深度同埋演員表現，根本就會破壞左一般人對呢套戲的印象。所以作為觀眾，應該懂得收放自如，不應該每一次都聚焦在標準尺度之上，好讓我們享受看戲的樂趣。
評分：
曾經在美國哄動一時既《Nine》，是近年來少見的音樂歌舞片。在拍攝期間，不少記者爭相探班，報到此戲的消息。不過，呢套戲在上映後聲價下滑，被人批評毫無吸引力，悶場多多，實際上與早前各大報章雜誌既報導完全不符。而以持平態度的我，則認為此戲真的沒有想像中那般震撼好看，但當中不乏華麗既歌舞鏡頭，亦可算是不過不失，只不過我們對此戲既期望太高而已。
成套戲咁多個女角色，其實真係好難睇得到邊個係好突出。而「萬綠叢中一點紅」的Daniel Day-Lewis，就好像如有神助一樣，演得十分恰當，亦不會過火搶左同劇演員既戲份。如果要我揀一個做得最好既女角色，我覺得非Marion Cotillard莫屬，佢雖然出鏡唔算太多，但係佢好似能夠將自己角色的情感層次再深化，在七個女演員當中遙遙領先。而其他演員如Penélope Cruz、Nicole Kidman等都相應做到要求，值得一讚。
可能呢套戲無左正常音樂片既輕鬆氣氛，人物係亦較為複雜，不過以一齣歌舞音樂片計算，已經是一套一看無妨既作品。
評分：
記得在舊年我曾經在某一篇影評恭喜惠英紅得到金馬獎最佳女配角，其實在出左提名既時候，已經有少少想睇，不過又未出，到左今年，終於有機會一睹小紅姐精湛既演技，不過我今次竟然會一反常態唱反調，因為我認為在各方面這部戲都不能與大製作既水準相提並論，佢既性質就同美國Independent Spirit Awards既競賽電影差唔多，所以本人唔係好鍾情。
製作呢一類既電影，其實一定要有一個好有熱誠既導演能成功，但係如果同時有一班實力既演員坐陣，就會事半功倍。惠英紅出身電影圈，在老早第一屆金像獎已摘下影后殊榮，今次再度獲獎可算是錦上添花，佢早幾年跳入電視圈，參演過無數電視劇，做盡多種不同性格既角色，所以電視圈可謂佢演技既練習場。至於徐天佑，我覺得佢比以前年輕時演得較穩重，不再幼嫩，而女角黃明慧則平平無奇，但以初出道新人計算，以經算係差唔多。
雖然個cast唔係好弱，但整體而言都算係失大於得，可能因為題材、效果及氣氛各樣等元素令其吸引力大減，即使此戲能夠獲獎，最重要既事─「票房」就被製作人忽略了。順帶一提，此戲由於係去年上映，所以會當作Review類型，而唔會放在2010電影表入面。
評分：
起初見到呢張海報既時候，其實都有興趣想睇，因為好難得有一齣呢類型既電影在香港上映，我個人覺得呢套戲有少少似《Valentine's Day》，不過氣氛營造有些少分別，始終港產電影以比較認真既手法寫情，而西方則較為輕鬆，少左一份拘謹。
在這類「大雜繪」形式既電影當中，起碼都要有一d唔錯既演員先會令電影有號召力。在這部戲入面，有謝霆鋒、吳彥祖、張學友、徐熙媛、徐若瑄、劉若英，個個在影圈都有番咁上下份量，基本上都能夠吸引到觀眾。當然，呢類咁多演員既電影，戲份分薄左，自然就唔會有太多既演技做到，不過有好幾位都做得唔錯，值得一讚。
角色、內容及剪接編排尚算恰當，但新意一般，沒有太大既突破，在港產愛情電影方面只算係平 平無奇既一份子，假若花更多既心思，便能做到更高質素既作品。
評分：
明珠台一向播映差唔多兩個多小時既外國長片(以美國為主流)，呢套算係別開生面既電影，因為套戲做左個半鐘，一破電視台播映時間長度既最低紀錄。我個人唔太鍾意睇動作片，雖然娛樂性豐富，但片中具備太多商業元素，令到套戲流於中下既層次。
片中有唔少動作既場面，反而文戲較少，而且劇情無乜新鮮感。男主角Jason Statham其實做得算幾落力，不過其角色冇太多既演技需求，所以純粹表面印象深刻。而其他角色只是一般演員，不過我覺得成個crew在拍戲既時候，會好融洽及開心。
唔知點解，我覺得套戲有少少偏移左重心，而且飾演女奸角既Kate Nauta經常性妖豔，調戲Jason Statham，睇落去都覺得有少少嘔心。
評分：
開頭睇到張poster，以為佢既劇情係抄《Harry Potter》系列，因為個故事好似係以章節形式分割，但係佢除左同哈利波特一樣都係科幻片之外，其餘既內容、角色及背景都截然不同。試想想，現今全球混血人(這裡是指父母來自不同族裔既人)佔全球人口比率越來越多，姑勿論其原因，假如要他們在某一國土上以群聚形式生活，場景如何震撼。這個故事同上面既情況差唔多，只不過那群人擁有凡人及天神既血統而已。
在哈利波特入面，由第一集開始，導演便物色幾個十多歲既小演員。相反，呢套戲則只在男主角Percy Jackson上面搵左個17歲既演員Logan Lerman飾演，其實佢做得都幾好睇，加埋另外兩個同佢一齊冒險既「混血人」，整齣戲極富娛樂性。另外，呢部戲有Pierce Brosnan, Uma Thurman同埋Catherine Keener客串，都算有少少勁cast既味道。
呢套戲既特技做得唔錯，就係因為呢樣野，套戲先有大既吸引力。不過，他們既冒險歷程有點兒順利，中間遇到既困難唔算太大，所以在這方面有少少扣分。
評分：
呢兩位演員走埋一齊會有搞作，一睇就知係佢地最拿手既愛情喜劇。這一類既電影，我兒時都較愛觀看的，不過就支持本港製造既愛情喜劇，當中以偶像天后鄭秀文既作品最為吸引，例如《瘦身男女》、《孤男寡女》及《同居密友》等等，但自從佢減少左電影演出之後，就冇晒呢類型電影既選擇，恰好自己開始迷上外國片，便能夠觀看更多其他地方既作品。
話晒兩位演員都出名走詼諧搞笑既戲路，所以演起來都尚算可以，而且兩人間產生既化學作用都帶動到電影劇情既簡單鋪排。Gerard Butler演搞笑既角色的確能夠應付，今次雖然冇上次同Katherine Heigl咁生鬼，但仍然貼合角色。Jennifer Aniston比起上次既《He's Just Not That Into You》好左好多，原因係兩套戲既表達方式同埋同劇演員既配合。
雖然劇情真係有d「語無倫次」，但係作為一部輕鬆愛情喜劇，主要都係吸引到觀眾入場笑餐飽，調劑一下生活既緊張及壓力，便得以功成身退。
評分：
又一套台灣上映既外語片，我其實都幾鍾意台灣放映電影既風格，因為那裡比較多地方既電影選擇，除了有我最喜愛既美國片之外，仲有歐洲、日本甚至港台既優質電影，總好過香港只係集中火力宣傳美國同本土電影。我好少會睇唔係美國製造既笑片，因為所有演員都唔識，睇落去就冇共鳴。雖然呢套戲唔會令到我對唔係美國既笑片改觀，但係總好過一d得個笑字，毫無內容既電影。
成套戲圍繞著夫妻兩口既生活而發揮，所以套戲既亮點只在於男女主角Dany Boon同埋Sophie Marceau，兩位在法國既名氣都唔細，加上兩人天生既演戲潛質及搞笑細胞，完全可以為呢套電影爭取到唔少分數，儘管兩位演員在其他地方既知名度唔高，亦能盡顯自己既個人天分和演戲風格，相信兩位演嚴肅文靜既劇情片綽綽有餘。
平時電視劇或者電影出現身世互換既劇情，今次由此部戲既導演把「身世」變更為「身分」，又另有一番看電影既風味，可算是用心之作。另外，由於今年度睇多左外語片，所以大有機會在年尾JNK Film Awards增設The Best Foreign Movie(最佳外語片)，由非港、台、美及英產既電影競逐，但呢d只係初步既構思，落實左之後再公佈及編輯For My Consideration(年終獎既考量)。
評分：
就個人而言，我唔係好鍾意睇動畫，因為我成日覺得動畫冇左真人做戲咁流暢，比較唔真實，但係呢部動畫完完全全改變左動畫在我心目中既印象。之前都睇過唔少動畫，但係佔睇戲總數既比例極之少，但係《The Princess and the Frog》都算係鶴立雞群之作，佢唔局限於已有動畫故事既發揮，而且加上幾首好聽既歌，我真係幾鍾意呢套戲。
每個角色既形象好鮮明，而且人物唔多又簡單，其實都幾容易get到套戲既移動，再加上disney製作動畫既一貫風格，兩三個奸角加埋一大堆得人鍾意又易「入屋」既角色，都可以話係賞心悅目。同上一套《Bolt》一樣，以人同埋動物既感情作一條襯托主線既軸，整體既效果及娛樂性令人滿意。
不得不提既係套戲入面既幾首歌，由第一首開始到結尾，都由愉快既音欒帶動觀眾既情緒，即使呢部只係一套普通既動畫，都被這些樂章提升到不平凡。
評分：
終於考完個大考，成個人即刻輕鬆晒。之前儲落左一大堆睇左既電影未打影評，今日開始清番少少先。情傷係人類在呢個世界上最難解釋既一種傷害，無論在事前或事後知道唔好既結果，都仍然繼續為愛情效勞，其實都算係幾抽象。好似呢套戲既主角咁，到最後先知道俾一個有好多經驗既情場浪子呃，都唔好話佢唔傷心。
飾演主角既係慼呢套戲彈起既Carey Mulligan，佢都贏得唔少影評協會既影后殊榮，最勁既係BAFTA(俗稱英國既Academy Awards)，不過，雖然佢年輕，但係都真係幾有做戲既天分，我覺得佢做得好過而唔少行演技派既女星。Peter Sarsgaard既情場騙子角色亦配合得宜，我對佢有印象既戲係2005年既《Flightplan》，兩套戲同樣做壞人，不過今次佢能夠把角色既性格顯露，換句話說，佢既演戲純熟左，佢未來應該有機會爭Academy Awards。
呢套戲既起承轉合做得近乎完美，而煽情既地方亦不過不失，尤其是那對情侶如何開始，獲得女方家人既同意，到最後揭發男方係騙子，都處理得十分好，希望日後有機會再看同類型既作品。
評分：