總算在四月趕得起Jnk Film Awards，就算之前用左幾多時間都冇所謂。在剛剛過左既禮拜日，我期待左好耐既香港電影金像獎終於來臨，雖然冇上個月既Academy Awards咁吸引，但係都算係唔錯，可能同個轉播電視台有關。我想在這裡，就今次既頒獎典禮講少少感想。
一反常態，今屆一開場就頒左最佳新演員先，仲要請晒所有既候選人上台，在頒獎前講下野，我覺得有少少拖時間之嫌。另外，曾志偉同錢嘉樂有d胡言亂語，在搞氣氛上有些少失敗，然而最大驚喜係宣佈得獎者既時刻，因為唔知邊個男演員會拎，最後由去年樂壇新人李治廷憑《歲月神偷》奪得此項殊榮，很明顯地飾演弟弟既鍾紹圖難掩失望之情，希望佢唔會因此放棄。
在兩個幕後獎之後，就到左最佳女配角。在提名人當中，惟獨只有《意外》既葉璇同埋《赤璧 決戰天下》既趙薇有機會初嚐最佳女配角既滋味，但係評審主要係香港既電影工作者，當然想香港演員拎到啦。我個人而言，都覺得頒俾葉璇係最好不過，首先佢真係做得比較好，然後佢在電影界既資歷都幾深，在大約四至五年既電視圈經驗之後，就轉戰大銀幕，由唔起眼既小角色到今日既配角王后，都應該輪到佢。
近幾屆都興起一種類型既片種，就係講述香港情懷既電影。上一屆有《天水圍的日與夜》，今屆就有《天水圍的夜與霧》同最佳編劇得主《歲月神偷》。我記得個劇本係根據羅啟銳先生既童年而寫，其實上一代既觀眾睇完一定有共鳴，況且現今鼓吹保留舊有既地方，呢個劇本拎都不足為奇。
到左男配角，基本上都唔洗睇得獎信封，都知謝霆鋒一定會拎到，因為佢未試過在金像獎拎過任何獎，而且佢亦在電影圈捱左一段日子，甚至為左電影，放棄繼續音樂事業，佢既犧牲都唔少，呢個獎對佢來說，可算是「遲來的春天」。
影帝方面，大熱既王學圻在《十月圍城》既演出其實係五個候選單位最好既，但係情況有少少似Academy Awards既影后一樣，得獎人都唔係五個候選單位中最好既，只係評審想佢地贏。不過任達華都冇功有勞，拎到有大部分只係同情。
至於影后方面，外界都只揣測《心魔》既惠英紅同埋《歲月神偷》既吳君如，不過始終係「薑越老越辣」，我自己都幾支持佢捧獎，希望佢可以有一個更好既事業發展。
至於影后方面，外界都只揣測《心魔》既惠英紅同埋《歲月神偷》既吳君如，不過始終係「薑越老越辣」，我自己都幾支持佢捧獎，希望佢可以有一個更好既事業發展。
佢呢套戲俾觀眾睇到個樣同佢真人個樣爭好遠，佢呢個樣真係好似d專業既演員咁，佢唔算好出名，不過在荷里活黑人演藝界算係有少少影響力，因為大家都會為黑人演員爭取應有既待遇，而佢都算係專業演員，所以都算係舉足輕重。呢個角色飾演Benjamin Button既養母，當然佢戲份都唔少嫁，起碼會在佢個角色度睇到，甚至感受到偉大既母愛，對於佢演技既評價有幫助。
對於一個只係演左十年戲既人來說，每一個提名都非常珍貴，佢可以算係唔好彩，因為大眾認為在2008年有剛好五位女配角比她出色，但係都無損佢在地影評協會拎獎。因為呢部戲，佢越來越受重視，佢做Kym既姐姐，一個將會結婚既幸福女人，一方面惦念自己既妹妹，另一方面又要容忍妹妹既野蠻和固執，佢精湛既演技，證明俾其他導演睇自己係識做戲既。
佢一向都被觀眾認為佢有演戲天分，在《Sense and Sensibility》之後，不斷繼續挑戰Academy Awards，憑著好多優質既演出，終於俾佢在2008年拎到影后，一洗頹氣。佢就係憑呢部戲拎影后，但係我睇完套戲，我覺得佢只係屬於女配角之列，不過佢可以話係五位較為稍稍領先既一個，唔係因為佢肯露全相，而係佢演內心戲既效果實在好好，即使與新晉演員合演、做對手戲，都難唔到佢，所以勝算高少少。
我在睇呢齡戲之前，冇睇過佢演其他戲，所以我對佢既印象都唔差，我覺得佢有一樣野好神奇，佢已經過左三十幾歲，但係我以為佢仲係廿歲出頭既青春少艾，佢星途唔錯，唔係有發揮既就係商業片，我相信佢既吸金能力都有番咁上下。佢在呢部戲既角色做一個修女，一個品性善良，但又不甘被學生欺負既修女，佢既堅決眼神、肯定表情同埋言談，真係同想像中既角色如出一轍。
佢真係有唔錯既實力，因為佢只係短短出左鏡十二分鐘，就可以足夠提名最佳女配角，我都覺得佢做得唔錯，咁都證明左即使戲份唔多，但係只要show到自己既演技，都唔會被觀眾忽略。佢都係靠呢套戲打開知名度，同時佢又係黑人演員，當然會有少少與別不同，佢呢個母親角色都算冇搵錯人來演。
事實上，我都唔係好記得佢個角色既細節，只係記得佢係在戲中做Anna Hathaway既爸爸，唔講唔知，呢位演員其實主攻電視劇市場，不過星運平平，一向都冇乜名氣，自從做左部戲之後，佢有番多左知名度，但係都唔及同劇既其他主要演員。佢飾演一個痛錫自己女兒既爸爸，即使女兒有如此不快，留下污點既過去，佢仍然繼續支持，佢個角色真係有少少令人感動。
其實佢上年有兩套戲上映，一套係早d既《The Lovely Bones》，而另一部就係呢套。可能睇落去，佢在套戲好似淨係襯托Meryl Streep，唔算有太大既發揮，但係佢以五十歲之齡飾演Meryl Streep老公，都算係有幾道板斧，因為如果年齡相差如此大，佢一定要化妝及演技先可以做得好，亦證明佢戲路較廣。
佢今次做Robert Downey Jr.既助手，去偵查一宗懸疑案件。見到佢戲份唔算太多，但係卻發揮到綠葉扶持既作用。要用一位好既綠葉，唔一定要太多戲份，亦唔需要去搶戲，因為本身已有氣質去吸引觀眾既注意。曾經兩度提名academy Awards，佢已差不多步入四十歲既關口，還望佢有更多主演既電影上畫。
佢在未夠廿歲既時候已經踏足娛圈，做左好多年先至捱到有機會提名Academy Awards，佢應該恨左好耐。基本上奸角較忠角容易發揮，因為除左內心戲之外，亦可以有其他表現既範疇。佢雖然在後半部先出現，但係佢反對同性戀既動力真係好大，甚至殺人，佢仍可以演得平靜，符合角色既需求。
在呢個女演員身上，我睇到既係佢專業既演員精神，因為佢在呢部戲由年輕扮演到年老，個化妝都幾辛苦，兼且佢有番咁上下演技，我都有少少奇怪佢會冇Best Actress提名。佢可以算係頒獎禮寵兒，近幾年都有大大小小既頒獎禮，甚至係Academy Awards都有四個提名，一個獎座。不過，我覺得佢雖然唔係太靚，但係就有一種演戲既說服力。
佢在演藝圈浮沉過一排，一路以「俏公主」形象在娛樂圈殺出血路，直至遇到呢個角色，真正能夠令佢擺脫定型同埋話俾人聽佢係識得做戲，即使佢年紀輕輕，仍然可以多嘗戲路，值得一讚。呢套戲既道友角色真係為佢帶來好多榮耀及機會，即使套戲唔係高成本製作，但仍得到片商垂青，繼續片約不斷，相信佢應該會大有作為。
近年好少見到Meryl Streep做d嚴肅既角色，呢部係少數中做得較為出色既一個角色，佢飾演一個無憑無據而去迫走神父既修女，佢飾演既無奈同埋堅持，真係有好多女演員學唔到，呢個角色亦為帶來第十五個Academy Awards既提名，雖然佢近年來無獎緣，佢亦唔恨呢d自己都有既野，但仍然被傳媒譽為「The Best Living Actress」。
我搵黎搵去都搵唔到佢自己一個solo既相，所以被逼貼張兩個女主角一齊既。一般睇過呢部電影既人都會覺得另一位女主角做得好d，但係我就覺得呢個好d。佢在套戲係做第三者，但係佢後來愛上左第一女主角，佢既認真和專業都令我有少少刮目相看，佢都係靠呢部電影得到國際知名度，希望佢日後會有更多機會在國際舞台上演出。
呢個係佢今屆第二個女主角提名，同時亦係佢第十六個Academy Awards既提名，破左大會記錄。佢呢個喜劇角色得到好多人既喜愛，如果唔係Sandra Bullock突然爆左上黎，今年Academy Awards真係佢既囊中物。開我睇完部戲，都唔覺得佢演得有幾好，但係做埋資料搜集之後，先知道佢既演出真係無與倫比。
呢套戲可以話係近年一套做得比較好既溫馨愛情小品，主要原因1係因為兩位主角，當中男主角Dustin Hoffman更係演繹得十分細緻。呢d角色佢其實冇乜演過，而角色需求亦可以靠生活經驗揣摩，但係佢真係演得份外吸引，即使兩位主角已有一定既年紀，但仍靠演技贏得一致好評。Dustin Hoffman當然來頭唔細，曾經在80年代憑《Kramer vs. Kramer》及《Rain Man》兩奪Academy Awards影帝，雖然佢已經七十多歲，仍未放棄演戲，真係值得敬佩。
睇佢個樣真係唔似，原來佢今年都只係四十幾歲，呢個年齡正係演員既全盛時期，佢既星途又咁好，所以已經第一次以《Capote》入圍Academy Awards就拎左The Best Actor。今次在呢部戲，佢既神父角色再次俾佢入圍最佳男配角既項目，雖然最後輸左，但亦贏得觀眾既欣賞。但我睇完呢部戲時候，覺得佢既戲份比例同埋角色都屬於男主角，所以佢既精湛演技為佢帶來提名。
呢位演員三十出頭，演藝經驗都有廿年，但係在成年的演藝生涯之後，近幾年先至惹人注目，呢套戲可謂佢既成名作，之後既《G.I.Joe: The Rise of Cobra》奸角仍嘗試演技既突破，成功獲得觀眾既讚嘆。然而，佢在娛樂圈既開頭唔差，相信呢位明日之星應該好大機會角逐Academy Awards，講番部戲，佢既角色其實唔係太講演技，但係就勝在那未經太多琢磨既演技看似自然。 其實佢既角色好似《Last Chance Harvey》既Dustin Hoffman咁，雖然擔正，但係因為冇乜出位，所以佢既角色魅力有限。
呢位演員可能在舞台上曾經演過同一個角色，所以我睇套戲既Trailer既時候，真係覺得佢可以做得到角色需求既震撼，尤其是佢好肯定既答案、眼神同埋手勢，我真係以為佢係真既尼克遜總統。佢所演繹既方法，真係可以將歪變直，明明佢係錯，但係都可以俾佢解釋得頭頭是道，真係佩服呢位演員。
呢位曾經三奪金像獎導演獎座既女導演，由八十年代初至今經歷廿載，仍致力拍好香港電影，努力尋找不同類型既題材，給予觀眾次次不同既視覺享受。今屆香港金像獎臨近在即，許鞍華又再次憑天水圍電影系列有份角逐最佳導演既殊榮，可見佢導演功夫真係唔簡單。講番今次呢部《天水圍的日與夜》，其實為已經帶左第三個最佳導演小金人俾佢，佢優勝既地方係佢刻意唔搵大cast演員，以營造親切和新鮮感，當中既主要演員都有番咁上下演技，佢都算係execute得幾好。
呢部戲可算係佢從導演工作以來，為佢帶來最多名氣既一部。佢八五年擠身導演行列，在十五年間都有差唔多二十部既作品，當然只係得呢一部可以令佢增加知名度。套電影本身拍得好，加上題材新穎，cast都算大，自然就吸引到觀眾入場。佢真係可以話居功至上，首先部戲既flow十分好，完完全全將主角既一生寫晒出來，另外套戲加入左好多好好睇既元素，令部戲奇幻得恰當。
Danny Boyle相信大家都認，不過原本佢係拍電視劇，直至近七八年先真正轉行做電影導演，我相信上次個小金人對佢黎講真係意義重大。而第二位我提及既女導演，原本係做開選角，唯獨呢套戲同Danny Boyle一齊做導演，但係佢就被一眾頒獎禮忽視，所以我先提下佢。老實講，一部蜚聲國際既電影，差唔多全部角色都唔係主流既英國、美國人，都真得做得幾成功，尤其是故事中每一個情節既真實感，真係超出一般既想像。
導演歷史得五套電影係手既Stephen Daldry，已經三度角逐Academy Awards既最佳導演，實力無庸置疑，而《The Hours》已經令佢聲名大噪。今次論到《The Reader》，佢一樣以出色既導演功架呈現觀眾，雖然故事唔係太複雜，但佢在處理演員同埋拍攝情節方面都幾好，真係達到大師級既水準。
其實我在舊年四月因為金像獎既影響先至開始認真睇港產片，而呢部亦成功突圍而出，佔左十大電影既其中一席。原因真係好簡單，雖然呢部戲同其他西片比較起來，execution係冇咁好，但係當中既地方情懷以及人物角色性格刻劃，則遠勝好多外國片，我鍾意呢部戲主要都係因為有共鳴，亦能惹起觀眾對社會既關注，帶出有意義既訊息。
兩個人既相遇，其中有一個既生命要逆轉而行，呢類既fantasy其實買少見少，當然要做得好先至可以吸引到觀眾，整體黎講，套戲真係幾好，相比起差唔多內容既《The Time Traveler's Wife》，望落去好似cast大d，但係連演技同埋劇情都綽綽有餘。唔單只咁，內容講個男主角既經歷，完全係迂迴曲折，感情事又因為自己特殊既生存方式而不得意，觀眾睇完都會覺得置身其中。
故事以一個「成功」戒毒人士為主線，說明屋企人對佢一直以來既支持同埋鼓勵，透過一件簡單既生活小事，道出佢身邊既人對佢既唔同睇法，雖然故事係有虛構成分，但係以電影方式表達呢d值得人關注既訊息，都算「一部起、兩部止」，但係套戲做出黎又幾ok，入面所描繪既境像都十分細緻，令觀眾都幾受落。
講真，如果個Awards只係計我既喜好既話，我諗呢套戲應該會拎到The Best Motion Picture呢個大獎，因為我十分鍾意呢部《Blindness》，可能佢既表達手法同埋message既連接好smooth，而且唔會刻意邀請大cast造成震撼誇張既效果，最出名都只係Julianne Moore，其他演員既配合同埋戲份安排得宜，我個人覺得十分討好。
改編自Charles Dickens既同名文學故事，經過咁多既流傳，終於有一齣廣大播放既電影翻拍整個故事，我仲記得我中二上堂既時候miss講過，自己做book report又借過黎睇，所以都幾了解個故事既內容同埋message。呢部電影之所以入十大，最直接既原因係佢同原著差唔多，改動既野唔算太犀利，而一d現代既技術及效果更加美化左成個故事，值得一推。
劇力萬鈞，cast強勁，十部電影入面只係得《Doubt》做得到，呢部戲入十大絕對唔係只係因為Meryl Streep，而係所有角色既功勞，兼且今次內容涉及好多教會問題，有好多電影都會避嫌談及，而呢部戲則恰到好處，把角色定型以便鞏固劇情，做到劇情片亦可以吸引到觀眾入場。
根據另一個網上影評人Donald Kwan顯示，呢部戲係屬於北歐國家芬蘭既製作，固然d演員唔係咁熟口面，但係勝在套戲內容普通得帶起伏，導演所選擇既演繹手法完全有別於一般電影，即使劇情較複雜，但係靠一眾演員同埋導演既功勞，令到成套戲好比荷里活大作。
呢部都算係一部別開生面既愛情喜劇，在美國都得到唔少評協會既垂青，原因係套戲個script寫得幾好，雖然兩位主角在演技方面都有待改善，但亦成功造就左一套輕鬆愛情喜劇，當中所付出既努力都不容忽視。另外，劇情涉及愛情並不過火，結尾還以英文名作伏筆，讓觀眾細味當中含意，實在有趣。
好奇怪點解Academy Awards唔俾個最佳動畫長片既提名，我本人覺得呢部戲比起該項目得獎者《Up》更好睇，當然呢個只係我既諗法。好少動畫會將呢個topic拍長片，我覺得個idea做得幾好，縱然有係會有不足，但亦無損我對呢部戲既印象。試諗下如果呢部戲變左真人拍既話，個結局會變左點呢？
我其實因為睇左套戲既trailer，覺得套戲應該幾震撼感，所以先睇佢。一如我所料，Frank Langella真係演得唔錯，佢飾演前美國總統尼克遜先生，解釋一下水門事件，佢演出黎既「做錯事還理直氣壯」既模樣，實在令觀眾感受到佢既壓迫，而飾演主持既Michael Sheen都幾好，起碼睇落去好似俾總統先生嚇窒左先。