我本身係一個Oscar迷，自我鍾意睇戲開始，我已經屆屆睇呢個頒獎禮，無論我身在何方，我都會盡我能力在晚上再睇。但係唔知點解，呢兩屆的Academy Awards同我的心水有好大差別，上屆既《Slumdog Millionaire》被我評得一文不值，今次既《The Hurt Locker》其實都差唔多，可能納悶的劇情片係獎項的大勢所趨。
一睇套戲既內容，以為起碼有一兩個大cast，點知一個都冇，但係在表達劇情上，個選角模式實在有幫助。Jeremy Renner因為呢套戲為人熟悉，即將又有大片上映，我覺得佢真係一枝獨秀，就係因為我唔係成日在電影見到佢，所以先覺得佢演得特別好。而其他演員尚算稱職，但欠缺應有的火花。
我記得我睇既時候，真係差唔多釣魚，因為呢部電影真係比想像中更加悶，不過當中的張力都夠勁，因此整體太差。
評分：場景：4/5
音效：11/15
效果：13/20
演員：26/35
內容：19/25
總分：73/100
年終獎既考量：
The Best Director---Kathryn Bigelow
The Best Original Screenplay
The Best Actor Performance in Leading Role---Jeremy Renner (Sergeant First Class William James)
The Best Editing
The Best Cinematography
The Best Make Up
The Best Score
The Best Sound Mixing
The Best Sound Effects Editing
The Best Visual Effects
開學前，假期的氣氛完全籠罩著我的心境，令我不停看電影，即使係電視台播的週末影片都唔放過。《The Pacifier》個名已經反映到戲中的笑料百出，不過情節有少少不知所謂。呢個網站主張鼓勵涉獵更多題材、更多種類、更多國家的電影，所以笑戲都會有影評。
演員的配搭十分得宜，一個滿身肌肉的大隻佬，加一班人細鬼大的小朋友，感覺上有少少似多年前電視台既一套劇集《一屋兩家三姓人》，但係呢部戲搞笑得多。Vin Diesel屬於商業片類型的演員，個人黎講，我唔太鍾意呢d演員，因為感覺上佢地只係想賺錢，不過佢又做得幾稱職。其他小朋友都唔錯，尤其是最大既一男一女，佢地而家已經變到型男美女，繼續在電影圈發展。
最後大家都要一別，男主角回復型警的身份。佢地分開對整齣戲不是一個好的結尾，但係會唔會有一個更加完美的結局呢？呢d全都要靠大家的想像。
評分：
其實Harry Potter系列都做到差唔多完，照道理我應該由第一集重溫到第六集。我的確有過這樣的想法，但我認為這樣做不太好，因為我對每一集的感覺好唔同，如果把自己的意見放上網，可能有少少不公平，但係早前明珠台再播的時候，我覺得呢集值得我在此推介一下，因為劇情已經走到重要的地步，而且沒有太多懸疑感，這正是小弟對該系列的意見。
雖然我每次都在家欣賞這系列的電影(原因：即使唔去戲院睇，電視台都會播)，但係這是我第一次為該系列打影評。男主角Daniel Radcliffe由十多歲做到廿幾歲，講真有少少睇到厭，亦令觀眾十分懷疑他的演技能否脫離Harry Potter的味道，但係好佩服這系列能夠由頭到尾都用耳熟能詳的角色擔任。女主角Emma Watson樣夠靚，亦都俾人讚佢做得較成熟，但係我覺得佢做Model仲適合。榮恩Rupert Grint則主張搞笑，使充滿懸疑感的電影增添輕鬆的氣氛。但係我最想介紹既係飾演新任校長的Imelda Staunton，沒想過她原來如此符合該角色，實在令我歎為觀止。
天狼星在這一集成為了犧牲品，而最後佛地魔亦會敗給Harry Potter，我相信除了觀眾滿意這個結局外，一眾演員亦很滿意這個結果。
評分：
一開始以為套戲集中火力講懸疑，點知只是輕輕帶過，並且以較新鮮的角度描寫事情的發展，都算幾有心思。故事講述女主角不接受自己以去世，在第三世界繼續在人間生活，亦嘗試與相隔的父母溝通，內容尚算不錯。兇手有殺小童的僻好，女主角亦因此命喪其下，不過沒有這件事，沒有後續的發展，所以剪接做得唔錯。
戲中天王巨星並沒有，反而靠演技派更勝一籌。女主角Saoirse Ronan年紀輕輕，已經在兩年前候選最佳女配角，雖然最後她並沒有奪獎，但對她的星途有莫大的幫助，在此戲的演出不過不失，當地的反應都不俗，但我認為她有明星的氣質，但飾演此類角色便可圈可點。至於男配角Stanley Tucci碰巧當時有兩齣戲上映(另一齣是Julie & Julia)，人氣急升，差點兒便能成為奪獎影星，佢飾演仁慈丈夫或是殺人狂徒都栩栩如生，不得不讚他演技出眾。
大家都記得套戲有一個女仔叫Holly，勸她放棄重返人間，接受現實，其實我覺得好正確，我亦在此向菲律賓人質挾持人質事件中的死者致深遠的祝福，希望他們早日安息，亦希望傷者儘快痊癒，家屬節哀順變。
評分：
好耐冇Update個網，因為就快開學，所以要快d玩埋單機game先，不過我都有keep住睇戲，今日係開學前最後一日，覺得要盡番網站主人公的責任，所以打多一篇影評。事實上，呢套戲在Academy Awards完左之後先上映，但係之前已經覺得部電影唔錯，不過想像唔到George Clooney搞笑個樣，點知睇完套戲，真係覺得佢有真材實料，成部戲都加晒分。
呢部戲在Academy Awards上得到三個在表現上的提名，George Clooney的演出可算最實至名歸的一個，佢在電影圈打滾左好多年，估唔到佢拍喜劇都有水準，個樣嚴肅但係十分幽默，難怪屬於當地電影圈的巨星。兩位女配角Anna Kendrick及Vera Farmiga均有唔錯既演出，前者戲份偏多，如果主線有些少偏移，佢都會變埋女主角；Vera Farmiga則有估唔到既性格，使角色的層次感更矛盾，讓觀眾更明白她與George Clooney的關係。
套戲結局不太完美，亦正合於現代社會無論男女都逢場作戲的心態，所以男女平等，未必一定是好事。
評分：
荷里活這個花花世界，電影的題材包羅萬有，最熱門的當然是最賣錢的商業片及奪獎保證的劇情片。這個故事屬於劇情類型，但有別於一般的迴腸盪氣的愛情親情片，由故事情節可見，兩兄弟的情誼與兩夫妻的感情會因為時間及環境有所改變，其中以西方人更為普遍，試比較中西方的親情片，中國產(甚至整個亞洲)的影片往往能夠觸動觀眾的心靈，但西方則著重於男女之間的愛情，即使由電影表達出的親情也不免失真，欠了一份真摯。而《Brothers》就屬於典型的西方親情片，但主線因不刻意造作而變得更加自然深刻，導演功夫不俗。
電影在選角方面都不錯，憑《Spider Man》系列紅極一時的Tobey Maguire擔正飾演心態轉變的軍人，以前偏向偶像路線的他，近來接拍較多的商業片，在這偶然的機會下，能夠獲得這個發揮極大的角色，為他打開了一條新的戲路。Natalie Portman被公認為圈中實力派演員，雖然從未得到過Academy Awards，但每一次的角色都栩栩如生，即將在美國上映的《Black Swan》更獲得影評人的賞識，認為她有潛力候選來屆Academy影后。Jake Gyllenhaal則無須多講，自從《Brokeback Mountain》一戲成名後，便多了很多片約，但角色深度平平，所以影響發揮，而此作則令他挽回劣勢，起碼讓更多觀眾留意他在這齣戲的演出，他可算是選對了角色。
其實不只上述三位演員，另外有一些不太重戲份的綠葉都做得不錯，不過不在此逐一品評。假若荷里活那些導演能夠著心籌備一齣親情片，相信本港的戲迷一定會受惠不少，同時亦大飽眼福。
評分：
荷里活一向都好少會拍一些以運動為劇情線的電影，偶爾的一兩部未能惹起觀眾的興趣，而這一部也算是普普通通的一齣愛情運動喜劇，如果不是要求太高的話，都值得一看的。戲中以男主角為主線，作為一位即將退休的老牌網球運動員，此場溫布頓網球賽是退役前的告別作，原本以為自己很快出局，豈料自己過了一關又一關，全因在途中認識了女主角。故事性不算太強，但能夠近距離觀看溫布頓的場地可算是值回票價吧。
演員的選擇未見別出心裁，不過大部分做得相當稱職。男主角Paul Bettany屬於二線男星，將步入四十歲的他，經常在獲得好評的電影如《The Young Victoria》及《Legion》等擔當配角，都可以算係受到一定程度的重視。他在這戲的表現可圈可點，並沒看到很多與其他角色演技上的交流，只是他在幕後的獨白部分較吸引，在與自己朋友對賽的劇情應該流露進退兩難的感情，但他的演出卻增加了電影輕鬆的氣氛。而女主角的演出可謂過目即忘，這證明了只靠不太差的樣子是很難在荷里活有良好的發展。
若果只從喜劇的角度看，這齣戲「比上不足，比下有餘」，假如編導能從中加插少許的劇情元素，可能會在電影上映後期挽回聲勢。
評分：