呢套其實唔係美國片(一般西片)，佢係一部歐洲既電影，相信大家對呢部戲都冇乜印象，因為佢劇情唔係太吸引，而且演員大部分時間唔係講英文，不過，呢部曾經入圍柏林電影節最高榮譽既金熊獎，水準應該有咁上下。呢一部戲再一次證明影評總愛偏向呢種雜既文藝片。
呢班演員都只係在自己地方作演員，所以都有乜點露過面，不過，就因為佢地夠陌生，先至令到觀眾睇完覺得劇情合理，自然流露，有刻意把大cast融入電影。另外，當中有不少情慾鏡頭，睇落去又唔似太過渲染色情，同《The Reader》差唔多，反而呢班演仲可以見到其自然既拍攝。
可惜既係，人物關係實在太過複雜，雖然主線主要可以分成兩part，但係我都係集中於兩個中女談情說愛既感人情節，相反，丈夫背著老婆偷食則有d唔受歡迎。
評分：場景：7/10
效果：20/30
內容：24/30
演員：23/30
總分：74/100
年終獎的考量：
The Best Picture
The Best Director---Petri Kotwica
The Best Original Screenplay
The Best Actress Performance in Leading Role---Outi Maenpaa (Saara)
The Best Actress Performance in Leading Role---Ria Kataja (Tuuli)
The Best Actor Performance in Supporting Role---Martti Suosalo (Leo)
The Best Editing
The Best Cinematography
The Best Art Direction
The Best Poster Design
The Best Ending
The Best Scene---Tuuli watching her baby
The Best Translated Name
其他對這部電影既意見：
Donald Kwan:《Black Ice 誰和誰和誰有路》: 在冰與火之間的情敵
Mad Dog: 與情敵同行: 誰和誰和誰有路
Coffee: HKIFF 2009 - 《誰和誰和誰有路》幾多的愛都無法修補
Cal: 誰和誰和誰有路 (Musta jää)
Dieman: Black Ice 誰和誰和誰有路
Tracy: 誰和誰和誰有路
過左金球獎之後，好多人都對賽果滿意，除了兩大影星Meryl Streep及Sandra Bullock成功大熱勝出，惹起公眾猜測Academy Actress既得主之外，仲令呢部電影成功奪得最佳喜劇/音樂劇組別最佳電影，搞到我對部電影都幾大期望。
一班中年演員將套戲演到咁，都真係值得褒獎一下，不過，其實佢地個人演出唔算好好，只係一般人接受到既水平，好在呢套戲係喜劇，令到d氣氛做出黎唔差，唔係就會變左另一套Bedtime Stories。此外，演員個樣要詼諧有詼諧，要靚仔都有d靚仔，所以成套戲會在中間水平。
就劇情而言，套戲有d無謂，可能因為咁，觀眾先會有興趣入場睇呢部電影。可惜，我個人鍾意睇既喜劇唔呢類，所以覺得有d無聊。
評分：
呢部戲講上黎都幾特別，因為我首先在台灣既電影網站搵到佢既蹤跡，諗住佢同演藝圈有關，應該內容唔錯，有d深度，冇估個佢有機會在香港上映，誰知在年尾既時候，突然就有張熟悉既poster在「上映中」既column入面，就係呢套《Synecdoche, New York》，不過我就鍾意台灣譯名多d---《紐約浮世繪》。
劇中演員在美國應該都幾熟口面，因為主要演員都係當紅或者拿過小金人既，整體上個cast既說服力未夠，有d混亂，然而個別來說都尚算可以。電影主角Philip Seymour Hoffman飾演一個生平頗為坎坷既舞台劇導演，開頭已經覺得佢做得唔錯，臨完場仲要講佢身邊既人先後一個個離去，呢part感情戲比較難揣摩，但佢都做得幾入戲。另外，劇中幾位女配角如Catherine Keener、Michelle Williams同埋Samantha Morton都有番咁上下水準，淨係睇演技都番本啦！
不過，我唔太鍾意呢套戲刻意放入一d成人元素，我唔係唔想睇呢d情節，而係有少少前言不對後語既感覺，好似冇乜關係咁。而且仲要d上左年紀既演員做床戲，兼且將頗長既shot focus左在呢d情節上面，其實都幾失大體之餘，又有d無厘頭。
評分：
其實我上年年頭已經睇左呢部戲，不過當時睇完都仲未有「Jnk電影世界」，所以先在這裡銷聲匿跡，而家呢部幾好睇既動畫終於面世，原因係我決定左唔睇《Public Enemies》，而要搵另外一套戲補上空缺，結果就順理成章地寫呢篇看後感。
如果我唔轉戲既話，可能呢part就有d野吹下，話晒Johnny Depp都慼套戲入圍金球獎戲劇組電影最佳男主角嘛，仲有金像影后《La vie en rose》既Marion Cotillard坐陣，本應不俗，可惜突然唔想睇，所以對唔住啦。但係呢套動畫電影都幾有意義，雖然內容唔算特別，但角色上既功夫卻顯得用心，姑勿論配音如何，但角色真係正。
暫時來說，我睇過唔太多動畫電影，但係呢套都算係最好既一部，我覺得《Up》在意思上可能比佢能優秀，但係我睇得最投入，最感動既都係呢齣《Bolt》。下一部電影將會回復正常，唔會再以其他預早睇左既電影作替代。
評分：
睇完呢套戲之後，先知道真真正正既動作片係咩一回事，《Taken》其實已經唔係講晒動作戲份，不過透過男主角Liam Neeson救自己個女既過程中，當中不乏打鬥場面，仲要係場場都咁精彩，唔知點解在美國上畫既時候冇乜迴響，我覺得呢套戲可以得到Academy Awards既提名。同時，呢部戲又唔係太商業化，雖然片長偏短，但講到意思予收看既觀眾，我認為已經有高水準。
呢套打正旗號賣動作懸疑，角色既體格要求十分重要，Liam Neeson都幾有睇頭，雖然年紀唔細，但係佢今次演Maggie Grace父親既角色都好有說服力，而且佢好似好打得咁，不過內心戲就表現平平。而飾演被人「賣豬仔」既Maggie Grace，放蕩得入戲，佢solo既表現真係歎為觀止，不過一拍埋戲內飾演父母既三位演員，佢既光芒就黯然失色，我最欣賞佢既地方係同Liam Neeson講電話既場景，真係好似親身經歷之後既真情流露咁。
講到唔好既地方，就係套戲太過英雄主義，動作場面太多，而Liam Neeson只要用暴力就解決問題既示範就唔係咁好啦。不過，呢套戲算係我睇過咁多部戲之中最刺激、緊湊、跟上劇情節奏既一部lu。
評分：
幾經艱辛，終於睇完呢齣《Doubt》，其實呢部戲曾經俾我覺得好悶，所以冇乜抽時間睇，點知原來好既演員做套感覺上好悶既戲都會十分好睇，雖然劇情係時光倒流式，任何角色都唔係話太突出，不過就因為個劇本係講一d平時少拍既topic，眾演員只要做出感情戲便已經恰到好處，冇需要靠其他特別修飾，所以呢套戲係舊年Academy Awards入面囊括最多演技獎提名。
各個演出既單位，無論係荷里活有名巨星，抑或係一d綠葉既，整體湊合起來好夠feel，完全冇話邊個搶戲。Philip Seymour Hoffman所飾演既仁慈牧師，內心戲交得超正，即使自己被懷疑而被定罪，都做到自己好似奸咁，唯一煩惱既係佢主配分得唔清楚，唔知俾佢入男主角定男配角好。Meryl Streep既多疑修女角色，在去年為她贏得多個影評學會及演員工會既女主角獎，演技無庸置疑，佢既表情同性格都幾配合個角色。
仲有其他好既角色，都不能盡錄，不過不得不提既係Viola Davis既演技，即使只係出鏡好少時間，佢仍然好專業地做好本份，適當發揮自己，因而為佢拿下演技生涯下第一個Academy既Nomination(最佳女配角)，我諗佢應該係在Penélope Cruz之後。值得一提既係，d小朋友既演出都幾好，唔知佢地大個左之後會唔會在呢行搵食呢？
我其實冇乜睇過呢類愛情片，所以今次俾我既印象都幾好，原來愛情片都可以唔悶，就好似呢部咁呀，兩個主角既演繹方法高超，將一部原本內容好typical、貼近生活既小品，經精美既包裝後，完全冇晒鄉土味。雖然一般人睇完後應該會覺得好悶，但我就得幾有意思。
睇戲之前，我完全唔知呢兩個主角係乜水，不過佢地深刻既演出令人有興趣繼續沉醉兩位既演技。兩位奧斯卡影帝后係呢套小品入面大鬥演技，但係兩個同樣做得咁出色，冇話邊個搶邊個既戲，同時，故事內容令人有d感動，而導演輕描淡寫既拍攝反而更突顯情節既linkage，真係值得一讚。
假如呢套戲拍續集既話，我相信票房仍然唔係咁理想，不過用如果同一個拍攝方法，講佢地既戀愛生活，我諗呢部戲都會幾有趣。最後，我在搵資料既時候先知道原本兩位主角Dustin Hoffman同Emma Thompson都在舊年既金球獎入面候選最佳喜劇組男女主角，其實係實至名歸，最後輸左都雖敗猶榮。
上個月金球獎公布提布名單，大部分演技提名其實都係熱門，包括Meryl Streep憑大熱電影《Julie & Julia》同埋另一部喜劇《It's Complicated》再次得到女主角雙提名(上次憑宗教片《Doubt》同埋音樂劇《Mamma Mia!》入圍劇情組及喜劇組最佳女主角，可惜空手而回)，不過今次兩個都係喜劇組。另外，Sandra Bullock亦步梅姨後塵，分別憑勵志片《The Blind Side》同埋愛情喜劇《The Proposal》入圍兩組女主角獎。但係其中一個出乎意料既提名，都數得上係呢套戲既Julia Roberts，幾乎全部影評都睇淡呢角色。
講演技，Julia Roberts都曾經係奧斯卡影后，演技當然有番咁上下，不過呢套戲都好難突顯到佢精湛既演技，因此個劇本唔係寫得好好，成部戲好難叫觀眾follow，即使加埋金球男配角Clive Owen，都無補於事，其實d劇情咁繁複，好難會短短時間內講到咁多野，同時又招到惡評如潮，下次不如唔好咁貪心，可能出黎較果會好勁多。
不過呢套戲一樣野我覺得做得真係唔錯，就係場景既轉換，因為戲中包括左唔少地方，多到連我都唔記得lu。不過同其他影評一樣，我都認為Julia Roberts今次入圍簡直係神蹟，我諗佢得獎既機會都好細，反而Meryl Streep同Sandra Bullock就有機會，賽果如何，就睇下個再下個禮拜一早上既頒獎禮啦!
本人其實好少睇港產片，仲要係福音電影，不嬲都冇研究之至，不過當初我看到poster既時候，我記得之前在新聞睇過有關既新聞，原來呢部戲真係材自單新聞。套戲原來真係有d悶，一班男人係度講理想大志，間中又涉及宗教，但係睇落去都唔係咁差，起碼我會停低睇幾個鏡頭。
講演技，視后黎姿雖然被公認演技好，呢部戲亦佢退出娛圈前最後一擊，不過真係睇得出佢係出心去拍呢d電影，因為佢角色發揮唔大，而且佢既存在感唔係好強，不過我仍然好鍾意佢做呢個角色，好似完全為佢設咁。至於孫耀威，佢可能冇咁多電影經驗，所以做出來好似好怪相咁，其他配角比之下仲比佢做得投入，不過佢d歌都幾好聽。
我唔詳細講每一個演員既表現，佢地個個都差唔多，不過呢部戲係講「心」，唔係講功利(獎項、片酬等)，福音片來說都算收貨。不過係我印象中，之前兩部福音片好似比較好睇，因為情侶之間既愛真係演得好純潔，好貼題。
我仲記得，有一次去左九龍灣某間戲院，臨走既時候見到呢張poster大大張擋在門前，開頭覺得應該唔錯(雖然我唔太鍾意男主角)，點知原來套戲又係用時光倒流既招數，夾硬將Zac Efron由20年前帶左番2009年，戲前flat到爆，集勵志、愛情、運動及學校生涯於一套戲度，簡直可謂有點粗製濫造，同埋成套戲賣緊既係Zac Efron所謂既「靚仔」樣與及型格，擺明淨係俾d女仔睇。
我曾經睇過一個影評，話Zac Efron在呢部戲既演技進步左，比起d後生仔鍾意既《High School Musicals》系列有一大躍進，不過，我覺得佢其實適合行冒險電影既路，始終佢figure幾好，個樣又唔差，如果齋sell樣，拍d青春電影，佢好快就唔會紅。雖則這部戲既演員並無太大既演技之談，不過整體而言，令人有一種格外舒服既feel，睇起上黎都幾投入。
最後，我認為Zac Efron其實算係近年來最有觀眾緣既新晉演員之一，佢如果可以拍d高質素既藝術片，不再流於商業片市場上既競爭，佢應該會闖出另一番新天地。睇完套戲，令我諗起《The Time Traveler's Wife》應該會同呢套差不多，希望後者能夠更加感動，拍得更有水準啦!