開頭睇trailer，以為呢部都算係唔錯既愛情小品，d演員整體黎講都幾有睇頭。後來聽到兩位同學既短評，大抵估到呢部戲應該行錯路，用左雜亂無章既手法。最後，經過親身經歷之後，我覺得成部戲扮高招，完全同其他同學既feeling差唔多，我諗呢部都算係爛片(枉我在第二次篩選都刻意留低呢部戲)。
通常呢part都會評下演員既演技，但係今次既 lack of focus，令人好難去給予演員們意見。不過，「爛船都有三斤釘」，有d經驗既都會故意做得投入，令呢部題材貼合現實生活既電影，加添畫蛇添足之效。片中更訪問不同既非演員人物，搞到部電影成部記綠片咁，偷雞不著蝕把米。 
其實部電影冇乜咁特別，亦都帶唔到愛情喜劇應有既元素，可算是近來失敗之作。即使有同樣既資源，其他導演既功架應該可以拯救到部片，我希望下一部愛情喜劇能夠帶到驚喜予觀眾。
評分：
場景：3/10
效果：15/30
內容：16/30
演員：19/30
總分：53/100
年終獎的考量：
The Best Actress Performance in Supporting Role---Scarlett Johansson (Anna Marks)
The Best Actress Performance in Supporting Role---Ginnifer Goodwin (Gigi Philips)
The Best Art Direction
The Best Poster Design
The Best Scene---The final part telling combination of couples
The Prettiest Actress---Scarlett Johansson (Anna Marks)
有別於Slumdog Millionaire既質素，雖則大家排場相近，但荷里活演員既任何方面都比初出茅廬既一眾小演員熟練。女主角Julianne Moore既演技無庸置疑，一個為照顧老公而冒險進入隔離中心既小女人，由個體發展到整體，照顧所有入住同一病區既病人，其精神值得一讚。另外，有幾位綠葉都唔錯，包括醫生Mark Ruffalo、妓女Alice Braga 等等。
評分：
講番係上黎，舊年oscar片我都差唔多睇曬咁濟，呢部都算唔差lu~~~因為佢比slumdog millionaire 吸引好多，我由頭到尾睇晒成部戲，完全part part相扣，冇乜悶場，雖然內容方面唔係話特別突出，可能你地會覺得好普通，不過我認為呢部電影實在可以獲得好高既評價。
評分：
呢部喺奧斯卡攞左最佳影片既電影，原來真係外國style既人先有共鳴，我並唔係話自己中國化，知不過我真係覺得呢套戲d情節over 60%都好悶，我懷疑上屆奧斯卡既標準係咩。話雖如此，呢部戲的而且確有佢吸引既地方，但overall我認為坊間將佢吹捧得過左火位而已。
其實演員眾多，好難去評定邊個好邊個唔好，基本上所有年輕演員都有唔錯既表現。事實上成年既演員都唔差，但係始終比後生嗰班比下去。可惜既係個劇情太悶，無論演員既演技點樣好，成套戲都容易比劇情拖垮。
總結部分冇乜好講，因為由頭到尾套戲都好悶，我真係未試過睇一部戲，期待佢快d完，唔好再拖泥帶水，我諗呢部戲仲衰過New in Town呀。
評分：
之前睇過段trailer，諗住佢會好搞笑，但原來呢套真係純粹喜劇咁簡單，雖然相比下都算話有d內容，不過佢套戲帶出既訊息就好籠統，叫d人唔好用大話換取任何野，因為有得必有失，聽落去好似有d向時下年青人說教，不過無論如何呢部都算係成功既喜劇。
評分：