在看呢套戲之前，我仲記得其他各大的電影網站都把這部戲推銷得十分起勁，我所以就決定睇下佢「什麼葫蘆賣什麼藥」，如果你問我為何會看這套電影，我真的不知如何解答，但我印象最深刻的係整部戲畫面的黑白色調，果然更加突顯故事主題及橋段。
每次見到Denzel Washington都係同動作電影有關，刻意耍帥的色對於他來說，完全沒有絲毫的難度，從外表看來，他怎樣也不像年過五十的男仕。演員不起用有名的，的確無助彰顯是次電影製作的專業，反而未免有點自暴其短，模棱兩可。
一句話：我對這部電影沒有啥特別的感覺。
評分：場景：4/5
音效：10/15
效果：12/20
演員：18/35
內容：14/25
總分：58/100
年終獎既考量：
The Best Art Direction
The Best Sound Effects Editing
The Best Action Design
The Worst Picture
The Worst Original Screenplay
The Worst Actress Performance in Leading Role---Mila Kunis (Solara)
西方有一種戲類好似《Legion》咁，拍出黎十分懸疑，但係個content完全唔恐怖，我個人其實唔係咁鍾意睇呢類的電影，因為我會好快冇興趣，今次同預期一樣，效果表達得差唔多，但係吸引力真係唔強。
事實上，呢套戲牽涉宗教題材，真係有少少混淆所表達的意思，但係導演有一樣野做得比較好，就係在演員方面既選角。不過，我唔係話演員做得好，只不過即使由演技超班的演員班底擔綱，此部戲藥石無靈，所以在成本上都慳左唔少。成套戲唯一較出名又多戲份既只有Paul Bettany，而且暗淡無光，難怪做得最好既只係好幾年前的《Wimbledon》，兼且之後的製作都唔算有睇頭，真係「同人不同命」。
整體而言，成套戲內容含糊，沒有適當的鋪排，唯獨在技術上有理想的表現，這正是較為可取的地方，亦都係唔好的示範。
評分：
在看美國電影的時候，大多數的演員都是白種演員，我唔係話人種歧視，但係真係好少有黃皮膚及黑皮膚的人出演重要角色。今次呢套戲一改慣常的做法，大部分的演員都由擁有非美國血統的演員擔綱，我覺得係勇敢的嘗試。另外，題材為一般家庭問題的延續，但香港觀眾未必感受到當中的現實情況，因為中國文化仍然在香港有一定的影響，可是電影能顯示到冰山一角的個案，實際上真有其事的情況比電描述的更嚴重。
我記得在頒獎禮時，Oprah Winfrey(亦係此片的監制之一)講過Gabourey Sidibe只係一個賺零用錢的學生，幸運地在試鏡中脫穎而出，她的演出比想像之中好得很，作為一個新人，電影可謂可遇不可求的難得機遇，也是新人磨練演技的舞台，她更加在今年初的Academy Awards拿到Best Actress的提名，惹來羨慕的目光。而有好幾個配角都有唔錯的表現，不過我認為導演應該加重一些男角色的戲份，以便平衡欣賞時的感覺。
呢part評套戲缺點的部分唔係部部戲都有野講，不過我覺得形式上都要找出不足的地方。呢部戲美中不足的地方為情節的鋪設不夠全面完整，有些許不連貫的情況出現。
評分：
不知是否自己都是華裔人，所以睇呢套戲的時候感覺極深。我記得在一年前為了中化科既閱讀報告，看過錢鋼先生所寫的同名紀錄書籍，當時透過文字已經感受到23年前地震時候的氣氛，但始終不及睇戲的真實畫面，那種震撼的迴腸盪氣，相隔良久仍歷歷在目。
基本上演員的演出十分優秀，由很有經驗的到年紀很少的，都好像十分專業演員咁。我特別欣賞女主角徐帆的演出，她所演既母親感覺，絕對不是一般有豐富閱歷或者演藝經驗的演員所能駕馭，尤其是她心態上的表達，真的恰好達到角色適中的表現。其他演員也因此而被看高一線，不過相比之下仍然較為遜色。
我曾經看到過一篇影評講述這套電影，內容主要批評表達手法在預計之中，題材亦夠陳腔濫調，甚至暗示電影透露中國需要災民承受地震的後果，但我覺得不論電影是否含政治影射，但它仍然是一部感人肺腑的佳作，只不過「說者無心，聽者有意」罷了。
評分：
我本身係一個Oscar迷，自我鍾意睇戲開始，我已經屆屆睇呢個頒獎禮，無論我身在何方，我都會盡我能力在晚上再睇。但係唔知點解，呢兩屆的Academy Awards同我的心水有好大差別，上屆既《Slumdog Millionaire》被我評得一文不值，今次既《The Hurt Locker》其實都差唔多，可能納悶的劇情片係獎項的大勢所趨。
一睇套戲既內容，以為起碼有一兩個大cast，點知一個都冇，但係在表達劇情上，個選角模式實在有幫助。Jeremy Renner因為呢套戲為人熟悉，即將又有大片上映，我覺得佢真係一枝獨秀，就係因為我唔係成日在電影見到佢，所以先覺得佢演得特別好。而其他演員尚算稱職，但欠缺應有的火花。
我記得我睇既時候，真係差唔多釣魚，因為呢部電影真係比想像中更加悶，不過當中的張力都夠勁，因此整體太差。
評分：