荷里活雜錦式愛情節日喜劇，在上畫前已經被大肆宣傳，但係精明的電影觀眾都早知道呢部戲只係得啖笑，唔會刻意講究劇情及演技，而且全部演員都係客串成分，我覺得算係另類的爛片。不過情況並沒有淡化，美國亦即將有另一套同類電影《New Year's Eve》推出市場，而香港影圈則以同樣形式在新年推出賀歲片，我覺得長此下去這類電影的發展會慢慢衰落，《Valentine's Day》則是此類電影的佼佼者。
故事主要圍繞不同的人及事，但係佢地中間卻不存著很大的關係。我覺得主角可算係Ashton Kutcher及Jessica Alba，不過兩個都唔係做得特別令人深刻，反而Topher Grace和Anne Hathaway則令人有少少印象，其他演員更加不值一提，所以我不太享受這類電影，因為完全看不到演員們潛在的演技。
其實原本我冇諗過睇呢套戲，但係最後就因為在影碟鋪見到張海報，喚起無謂的記憶，因此最後要為這個記憶浪費時間。
評分：場景：3/5
音效：8/15
效果：11/20
演員：22/35
內容：14/25
總分：58/100
年終獎既考量：
The Best Young Actor---Carter Jenkins (Alex)
The Best Young Actress---Emma Roberts (Grace)
The Best Art Direction
The Best Song---Jump Then Fall (Taylor Swift)
The Best Song---Today Was a Fairytale (Taylor Swift)
The Best Song---I'm Into Something Good (The Bird and the Bee)
The Worst Director---Garry Marshall
The Worst Actor Performance in Leading Role---Ashton Kutcher (Reed Bennett)
The Worst Actress Performance in Supporting Role---Taylor Swift (Felicia)
在未睇呢套電影之前，我見到在一些電影網頁，把《Shutter Island》標記為恐怖類別，開頭都有少少驚，但係睇落就開始慢慢適應，我覺得呢套戲極其量都只可以係偵探懸疑片類，而不是所謂的恐怖戲，而最後個結果都幾出人意表，因此不少的觀眾都很欣賞其故事情節及人物塑造，可惜既係在今屆的Academy Awards，呢套戲一個提名都冇，有少少失左預算。
事實上呢套電影的主要演員，不輪係演技及角色的合適度，都比大部分的電影優勝。Leonardo DiCaprio自從一齣《Titanic》一鳴驚人之後，片約接踵而來，先後候選過兩次金像影帝，雖然他外形愈冇看頭，但佢的演技則隨著年齡的增長而提升，可算是值得慶幸的。至於Mark Ruffalo，佢做戲一向都平實不搶風頭，在我之前看過的兩套作品入面，佢都唔係十分突出，在今次的電影，佢亦唔係擔正，但都演得恰如其份，可謂「比上不足，比下有餘」，佢亦都在今屆Academy Awards入面憑著《The Kids Are All Right》候選最佳男配角，相信佢既實力總是有的。
反而今次我冇乜野在呢part講，因為我覺得整體上給予我的感覺頗好，劇情環環相扣，角色發揮不俗，希望日後會有更多做到呢d條件的戲。
評分：
此部電影的情節與香港電視劇的橋段十分相似，講述一個公職部門如何訓練新人，如果呢套屬於香港本土的製作，相信我完全唔會覺得好睇，就係因為呢套戲是美國製作，所以看上去至少有少許的新鮮感，並且唔會覺得悶，雖然後來的劇情很容易便估到，但亦不失緊張的氣氛帶動。
其實主角做得有水準，只係戲路太普通，所以令他們的表現失色不少。男主角Kevin Costner來頭強勁，以36歲之齡在1991年憑《Dancing With the Wolves》奪得Academy Awards最佳電影及最佳導演，呢個榮譽唔係個個都可以拎到，而他演藝之路亦唔差，尤其在這套電影飾演口硬心軟的教官。至於另一個男主角Ashton Kutcher，相信大家對佢都有一定認識，不過如果把他現在的演出比較，我幾乎想像不出他能夠飾演這些drama類的電影。
最後個結局有少少欠缺新意，但我覺得教官唔應該在最後犧牲自己，因為這樣便不能創造一個更好的結局，令到劇情被局限。
評分：
我對龍的感覺一向唔係咁好，一來係同中國以前皇朝的歷史都與龍有關，有多少沉悶，二來我覺得這種虛構的動物有少少恐怖，可能係我先入為主的想法。我原先都冇諗住有甚麼期望，但係竟然有少少驚喜，今次我都有少少跌眼鏡，起碼佢都算係來屆Academy Awards最佳動畫提名大熱。
角色其實刻劃得唔錯，劇情唔悶兼且有唔少高潮。我覺得整體上的欣賞價值十分唔錯，但係如果拍成真人真事既話，我諗效果會大大大打折扣，就好似《Crash of Titans》一樣。
呢套戲其實冇太多野講，亦都證明左套戲只係在不過不失的程度。
評分：