其實呢套戲都大大話重播左十次度，但係我每一次都去左張床度，諗住唔會好好睇嘛，點知真係一般水準，不1990年既Julia Roberts都真係幾清純可愛。
Julia Roberts一炮而紅之作，亦係佢第一個Academy Awards提名既作品，其實唔係個個藝人都做到，佢都算係好好彩，又有得拍著紅星Richard Gere合作，呢d機會真係難求嫁。不過，d演員整體都唔算差，但係又唔算話好好喎，所以套戲變左「嘛嘛地」。
最矛盾既其實d劇情，開頭又話Richard Gere唔要性服務，但係後面無啦又有呢d劇情，仲有，Richard Gere做緊既係喜劇，但係佢好似好辛苦咁，d表情有少少假，拜託佢下次認真d啦。
評分：場景：4/5
音效：12/15
效果：12/20
演員：26/35
內容：19/25
總分：73/100
年終獎既考量：
The Best Picture
The Best Original Screenplay
The Best Creative Story
The Best Actress Performance in Leading Role---Julia Roberts (Vivian Ward)
The Best Actor Performance in Supporting Role---Hector Elizondo (Barney Thompson)
The Best Art Direction
The Best Song---It Must Have Been Love (Per Gessle)
The Best Partner/Couple---Richard Gere & Julia Roberts
The Best Scene---Table Dinner
The Prettiest Actress---Julia Roberts (Vivian Ward)
The Best Translated Name
以前睇Anne Hathaway既戲，上網找資料時唔明點解佢被人叫做「俏公主」，無論佢出新戲家係之前提名Academy Awards，都係被人以呢個名稱呼。而家有得重播呢套戲，先知道佢個名既來由，同時，套戲有《The Sound of Music》既Julie Andrews，真係有番d親切感。
呢部戲話晒都係Anne Hathaway既成名作，所以大部分時間都係佢做主線，劇情都係d比較慣常既情節，佢同一個男子訂婚，但係又鍾意左第二個，最後結局都係大團圓，佢算做得唔錯，不過仲巾好多需要改進既空間。Julie Andrews就純粹玩下，佢雖然唔係好似以前咁講究演技，但係而家都幾好，做下喜劇同埋配音，不過仍然想佢做番d劇情片俾觀眾回味一下佢既精湛演技。
最後呢位「俏公主」都順利做左女皇，個結局都算係搞笑，雖然唔係太講究出黎既效果，但係創意搭夠。
評分：
呢幾日部電影壞左，所以睇唔到新戲住。係度先祝大家新年進步，身體健康。套戲其實只係一般既愛情戲，都好似冇乜太重既劇情，如果你係鍾意睇d輕型既電影，呢部都可以話係不二之選。
女主角Renee Zellweger曾經紅極一時，呢套可算是佢高鋒時期既作品，所以佢好似真係做得比較好咁，不過佢近期d戲就跌晒watt，詳細既容後再談。而男主角Colin Firth則有等於冇，佢好似只係一個做得唔錯既配角。
由於時間既關係，所以不能像以往般詳談，不過仍可說多句，佢地兩個既配搭有d「夾硬黎」。
評分：
呢套戲其實係Reese Witherspoonq在拿完奧斯卡影后之後上既第一齣戲，同《Walk The Line》唔同，佢唔再飾演一d咁文藝又多感情戲既角色，今次佢挑戰喜劇，佢在演技史上，最主要既作品都只係得《Walk The Line》，呢種既喜劇片都應該會幾唔錯。
老實講，Reese Witherspoon都唔係咁擅長演出喜劇，不過我喜歡佢俾觀眾既感覺，收歛得黎又有少少大膽。至於Mark Ruffalo，我都睇左兩部佢做既戲《Blindness》同埋《The Brother Bloom》，佢在呢部戲既形象直情同上面兩部截然不同，型好多同埋有多少少觀眾緣。
成套戲最主要搞笑既地方係要靠配角帶出，而收尾亦略嫌倉卒，有少少無足夠地方吸引觀眾之嫌，不過在一個開心輕鬆既氣氛下，都幾唔錯。
評分：
以James Cameron既名氣為賣點，呢套戲成功在全球獲得巨大既票房成績，相信只係得佢先做得到，他所拍既兩部戲成為全球all-time票房排行榜既頭兩名，照計應該開心。但係今屆Academy Awards出現左個重大勁敵，佢前妻既《The Hurt Locker》又有番咁上下水準，所以佢要揚威奧斯卡都有幾大既困擾。
基本上呢類走商業片類型既電影，主要都係sell內容，而唔係sell演技，所以在演員既成本會較低，不過，好似James Cameron咁，即使唔重演員都重出黎既效果，我地先後在兩部佢既戲度都睇得到，所以呢d導演既作品一定有番一定既水平。
《Avatar》俾我既感覺係好科幻，一d都唔係我睇開既電影類型，不過咁，有時都要睇下d唔同既genre，先至可以平衡返d戲類。
評分：
Meryl Streep近四部戲有三部都是喜劇，而每次既演出都為佢帶黎唔少既名利，佢先後憑《Doubt》及呢部《Julie & Julia》入圍上屆及今屆既奧斯卡影后，同時另外兩部《Mamma Mia!》和《It's Complicated》都是金球喜劇組影后既候選。而《Julie & Julia》雖然整體上唔算大製作，但係就主要以Meryl Streep做骨幹，足以吸引唔少觀眾入場。
其實近幾年Meryl Streep做既戲都唔會話有好既評論，最好既已經係《The Devil Wears Prada》同埋《Doubt》，佢既星途好順利，即使部戲既影評唔係太好，佢仍然係鶴立雞群，演出備受讚賞。Amy Adams今次有d亂黎，如果唔係有Meryl Streep傍住，佢都真係會做得好差，睇番佢《Doubt》既演出，簡直係判若兩人。
個劇本其實都唔錯，可惜情節略為平淡，假若能夠加重強調角色既內心戲以及情節既鋪排，應該都唔會差得去邊。
評分：
呢部《永久居留》，概念與《Brokeback Mountain》差唔多，其實出發點仲好過添，可惜個execution真係唔好，導演雲海仲話要整同志三部曲，下一套《安非他命》已經排期面世，但係佢在檢討番整部戲既時候，究竟有冇諗過如何改變呢？看來佢仍然依著理想麻目地實行。
今次導演刻意找新晉演員李家濠擔正，可能因為套戲唔會話太多人睇，大明星一定唔會應承拍，以刻意以一個高尚藝術品既形象上映，可惜，當中演員之間既露骨情節太多，根本令人消化不下，即使演員如何投入，也只會令部戲既色情感增加。
呢部戲既影評可算是有史以來最麻煩既一篇，因為有好多劇照都唔太適合放上blog，另外，資料搜集又繁複，真係搞到冇晒再睇港產愛情片既mood。
評分：
年頭睇左《Changeling》既中文譯名，已經覺得套戲有少少懸疑feel，跟住有機會睇番d人地既觀後感，先知到Angelina Jolie負責飾演慘情母親既一角，聽落好似唔係好夠說服力，不過睇完之後佢原來係「禾稈冚珍珠」，即使做呢d同佢年紀唔相符既角色，都仲綽綽有餘。
有一個奇怪既電影現象，通常一d被公認為好戲既電影，當中總會有好多做得好好既演員，就呢套戲而言，Angelina Jolie身為一個失去左仔仔既阿媽，當中既堅持真係感動到d觀眾，尤其是佢入左精神病院既時候。而飾演官員既Jefffrey Donovan同埋幫表哥看門口既良心發現表弟Eddie Alderson，都已經做到好夠水準，所以話有好劇本同埋對手，就會事半功倍。
雖然套戲既主線既圍繞阿媽如何搵番個仔，但係亦都揭開左那個年代既政治黑暗，其實一般人都應該對呢d政治策略或黑暗一面，睇下呢類型既戲，都會令我地對這段歷史有更多既認識。
評分：
此部戲既中文譯名《單身大急救》，其實都幾反映到時下的人如何害怕面對單身，所有人都希望擁有自己既另一半，有人愛有人疼。然而，今次女主角誓要與醫生鄰居結為情侶，請教得意搞笑既男主角，最後兩人由怨家變成一對，呢d橋段已經出現過無數次，但係觀眾仍然受落，相信梗有一d原因。
雖然今次兩位主角既號召力真係好有限，不過佢地所演出既默契就幾唔錯，起碼唔會令人生厭，加上女主角Katherine Heigl既醫生鄰居Eric Winter真係幾有睇頭，而且佢仲有唔少鏡頭係上半身全祼，相信佢既fans一定會坐定定。
橋段老套，cast唔強，通常都係一d失敗作既致命弱點，但係《The Ugly Truth》始終冇離題，即使佢如何差強人意，佢仍然能夠維持到一般愛情喜劇既需求，已經盡左本份lu。
評分：
李安大導演上一部驚為天人既戲係同志片《Brokeback Mountain》，成功掀起全球對同性戀的存在有激烈既討論。在電影既層面來說，上次部戲真係好有水準，內容明確，演員投入，要挑剔既地方幾乎冇。相反，今次呢部《Taking Woodstock》，真係仲差過佢所製作既亞洲片，年代唔適合，內容繁複，唔入圍Razzie已經係算執番身彩啦。
套戲可能原本又諗住再製造熱潮，可惜事與願違，無論點睇都知道呢套戲唔會成功，原因係佢既風格太過舊，根本唔適合而家既電影市場，只不過李安想化腐朽為神奇，以為自己能夠好似上次咁，在國際舞台上大放異彩，其實急功近利式既製作只會淪為粗製濫造既程度，所以連演員都麻麻地。
雖然今次都有涉及d同志既成份，可惜其作用只是冇野搵野黎做，因為部戲唔應該將呢d唔太關事既野都擺埋落去。
評分：
之前睇左套戲既Trailer，覺得應該會幾感動，但係實際上，一如外國觀眾既反應一樣，真係比預期差好多，講真，話部戲冇重點又唔係，話佢太少內容又唔係，只不過套戲既感覺有d怪，之不過係一般既愛情故事，令觀眾冇乜共鳴。
其實成班演員都唔係話sell演技，只係盡自己既能力將套戲既意思帶俾觀眾，呢點係值得讚許。可惜既係，佢地在愛情片所浸既經驗唔足夠令佢地輕易駕馭到個角色，因此套戲同一般愛情片差唔多。另外，套戲條橋其實唔差，可能主角並非俊男美女，便大大減少欣賞既意欲。
總括來說，我可能俾左太多期望套戲，所以睇完出黎有少少失望，其實如果今次換左主演既兩位演員，可能就真係唔同晒啦。
評分：
繼《The Day After Tomorrow》後，《海雲臺》在韓國再掀起危難片既熱潮，雖然套戲格局有d似《The Day After Tomorrow》，但係論水準同埋風格就真係差好遠，呢套所謂亞洲版既《The Day After Tomorrow》，完全打晒折扣，導演既水準實在參差，我覺得真係差到不得了。
因為我唔太熟悉韓國既演員，所以真係好難在呢個aspect加以評論，但係冇一個演員可以將套戲帶入高潮，有d令人失望。
最差既其實係套戲入題太慢，所以整體予人既感覺係刻意拖長套戲，但係所拍出黎既都係十分瑣碎，這足以證明導演及編劇既選材有好大既問題，希望下次既亞洲片會有好d既comment啦。
評分：
Sandra Bullock俾我最大既印象，當然係佢主演既喜劇，所以呢套《The Proposal》正路應該幾好睇，我記得佢曾經俾人話佢唔係實力派，可能就係因為咁，所以就左套《The Blind Side》，令觀眾睇到佢有演技既一面，仲要係今屆影后大熱，不過我當然希望Meryl Streep再奪小金人。
角色上，Sandra Bullock已經可以吸引到觀眾入場睇，再加上曾經係型仔一名既Ryan Reynolds，合力拍呢套愛情喜劇，真係十分之搞笑。不過最好笑既唔係兩位主角，而係飾演Grandma Annie既Betty White，佢既外型加埋對白，實在令人有諧星既感覺。
可惜套戲冇d太爆既橋段，即使演員演得再好，欠缺左優秀既劇本，其實都無補於事。雖然我都幾鍾意套戲所用既表達方式，但係始於在專業既approach，呢部戲唔會話太頂尖。
評分：