繼《The Day After Tomorrow》後，《海雲臺》在韓國再掀起危難片既熱潮，雖然套戲格局有d似《The Day After Tomorrow》，但係論水準同埋風格就真係差好遠，呢套所謂亞洲版既《The Day After Tomorrow》，完全打晒折扣，導演既水準實在參差，我覺得真係差到不得了。
因為我唔太熟悉韓國既演員，所以真係好難在呢個aspect加以評論，但係冇一個演員可以將套戲帶入高潮，有d令人失望。
最差既其實係套戲入題太慢，所以整體予人既感覺係刻意拖長套戲，但係所拍出黎既都係十分瑣碎，這足以證明導演及編劇既選材有好大既問題，希望下次既亞洲片會有好d既comment啦。
評分：場景：7/10
效果：22/30
內容：17/30
演員：19/30
總分：65/100
年終獎既考量：
The Best Sound Mixing
The Best Visual Effects
The Best Scene---Tsunami covers the city
The Best Trailer
其他對這部電影既意見：
Donald Kwan:《海雲臺 Haeundae》: 浪花一大朵的通俗災難片
晞: 海雲臺：有血有肉，整體起碼好過〈明日之後〉
馬田龍: 《海雲台》
電影男: [海雲臺]OK
在二月七日晚上，一個正常既星期日，就係呢套《Titanic》，在明珠台8:30重播，令我呢個Top Models Fan有少少不滿，不過，其他台又冇野睇，所以我就睇下呢套曾經風靡一時既電影，如何一口氣獵下十一個Academy Awards，點知呢套戲真係impress到我。
呢套戲有唔少既經典場面，例如上圖既「You Jump I Jump」或者係下圖「郵輪沉落海」等既鏡頭，都令觀眾有耳目一新既感覺。回到未紅時，兩位初出茅廬既俊男美女Leonardo DiCaprio同埋Kate Winslet，被觀眾認為佢地好似金童玉女咁，兩位既演技雖然幼嫩，但勝在夠自然，將角色間應有既感情表露無遺。另外，有一位做得都幾好既綠葉，就係飾演老人既Gloria Stuart，佢既角色其實唔洗咁投入，但係佢帶俾觀眾既感覺係唔同既，真係十分感動，尤其係佢個樣，好似已經渡過左不少歲月摧殘及當中滄桑。
中文譯名直接了當，令一d無睇過呢部戲既人會有少少誤解，而我惟一對呢部戲有印象係首熱爆全球既主題曲，我相信經過呢次之後，我會更加小心揀選所看既電影，以免錯過一d唔錯既製成品。順帶一提，呢部戲係屬於2010年的電影回顧系列，所以會入選2010年尾既Jnk Film Awards of Reviews。
評分：
向來這類講地球滅亡既科幻片，d觀眾都會有幾大既興趣，可能因為呢個片種令觀眾有共鳴，同埋拍出黎d畫面好逼真，我地睇完直情好似親身經歷咁。入番正題，呢部戲俾我既印象唔錯，由頭到尾到引人入勝，劇情十分緊湊，可惜臨完場冇晒驚喜，同埋唔知佢想暗示d乜。
出乎意料之外，d演員個個身守其份，主配分明，冇話邊d冇演技，或者太突出。在呢part，我想講下d小演員，因為今年睇既戲大多冇乜做得好既小演員，所以本人認為Chandler Canterbury算係做得唔錯，同Nicolas Cage都幾合拍，而且呢個不過係佢第五部幕前演出，證明佢好大機會成為明日之星。
最後，呢部戲做得較出色既係剪接部分，不同時間既過渡做得簡單而明快，有時候無需要太多花巧，只是一些基本既技巧，已經可以把電影發揮到用得其所既效用。