產地：美國 USA
上映日期：10 May 2018
觀看日期：22 April 2018
片長：110 Minutes
導演：Greg Berlanti
演員：Nick Robinson
觀後感：
喜歡一個人沒有對錯之分，只要雙方認為感覺對了便可以在一起，就算日後路途上有多少荊棘，愛情的力量也足夠抵擋大大小小的風雨。這次筆者介紹的電影講述一名少年出櫃前後的故事，有別於一般的校園愛情喜劇，當中所包括的訊息很值得我們反思。Simon Spier(Nick Robinson飾)擁有幸福的家庭，身邊也有幾位知心好友，但他礙於世俗眼光，一直將自己的性取向藏在心底裡。好友Leah(Katherine Langford飾)告知Simon網上有一名化名為‘Blue’的同學出櫃，於是Simon同樣以化名方式跟對方保持電郵溝通。素未謀面的二人在文字的相處下感情漸增，Simon的秘密不小心被同學Martin(Logan Miller飾)發現，後者要脅Simon協助自己追求好友Abby(Alexandra Shipp飾)。Simon開始猜測Blue的身份，同學Bram(Keiynan Lonsdale飾)成為1號候選人，後來發生了尷尬場面後Simon喝得爛醉，Leah趁機表示自己已有心儀很久的心上人。Simon在戲劇排練中搜尋到2號候選人Lyle(Joey Pollari飾)，而對方真正的目標是Abby。當Simon向Abby坦承自己的秘密後，Martin在球場上當眾示愛失敗變成全校笑柄，他卻為了轉移視線於聖誕節前夕在網上公開Simon喜歡同性的事實。Simon在假期向父母(Josh Duhamel和Jennifer Garner飾)出櫃獲得接受，而他早前協助Martin的行為則被Leah、Abby和Nick(Jorge Lendeborg Jr.飾)強烈責怪，Blue更決定從此斷絕聯絡，Simon需要獨自面對在校內受到的欺凌。Simon在Leah和父母的鼓勵下決定相約Blue在嘉年華的摩天輪上。Simon獲得學校同學的支持，在摩天輪上等候一段時間後仍未看到Blue的出現，覺得內疚的Martin花錢多買一次機會，Bram也在此時出現承認自己的身份。事件後Simon回復平常的生活，唯一不同的就是多了Bram這一位男朋友。
Nick Robinson是一名美國男演員，他在舞台演出後獲得星探發掘，無奈碰上編劇工會的罷工，他的星途遲了幾年再度啟航。處境喜劇的演出提升了他的知名度，出演過不少青少年電影，代表作有The Kings of Summer、Jurassic World及Everything, Everything。筆者一直很好奇身為直男的他會如何演繹這個角色，始終他並沒有經歷過角色內心的矛盾及掙扎，不過他演出來的Simon十分討人喜歡。除了性向以外，這個角色就是一名普通的高中生，當然他也抵受不了憧憬而來的愛情；Nick Robinson完全沒有半點刻意代入的感覺，而且可以把年青人純真的思想表露無遺，筆者不得不佩服他的演技功力，這次演出更獲得廣泛觀眾的讚賞。他的下一部推介是Strange but True，電影根據同名懸疑小說改編，筆者十分期待他在電影中的突破性演出，希望他日後可以找到一個更有代表性的角色。
故事改編自青年讀物系列，成為史上第一部由荷里活主流發行商代理的同志愛情電影，卻出乎意料地大受好評；電影雖然主要圍繞Simon的初戀故事，但當中的道理十分發人深省，比如說誠實地對愛情的追求、做出利己行為時對別人造成傷害、家長如何面對子女的獨特性等，所以電影受到不少業界人士及影評人的追捧，筆者也從電影中取得不少收獲。電影的年青演員很有默契，帶來不錯的群戲演出；飾演母親的Jennifer Garner在後段讓觀眾感動不已，飾演老師的Natasha Rothwell更是作品中的喜感擔當，平衡電影敍事及娛樂的元素。電影給人的感覺是舒服的，帶來不少讀書時期的回憶，縱使沒有技術上的優勢，也不失為一齣難得的佳作，給我們上了寶貴的一課，珍惜自己並尊重他人的選擇。愛情的目的並不是對外炫耀，更不應以條件換取得來的；就算得不到其他人的祝福，真正的愛情是不會因此而枯萎，反而會令人茁壯成長，學會面對現實社會的挑戰，忠於自己的感覺作出判斷。
評分：
故事：44/50
演員：30/35
效果：12/15
總分：86/100
近兩年都有一部由美國製造並且特別出色的同志電影，08年有《Milk》，09年有《A Single Man》，其實睇呢d戲都唔係咁容易，因為小弟會經常想著角色有異於常人的特質，所以會感到有點不舒服。不過以事論事，套戲又真係拍得有一定的水準，很清楚講出教授心中的牽掛，並且配合時代的差異，更加顯出他的如此情深。
各位主要演員都有十分唔錯的表現，Julianne Moore飾演的女人十分到位，但可惜戲份太少，不能盡顯她精浱的演技。主角Colin Firth因此有過之而無不及，從上次《Mamma Mia!》反斗的大閒角，搖身一變成為質深大教授，而且感情生活一點也不簡單，予人一個看慣世態的形象。呢類角色一向都給人同情的感受，並且讓人覺得很難演繹。飾演佢學生的Nicholas Hoult印象亦鮮明，我覺得佢係套戲第二個亮點，此演員也有潛質在電影圈發展。
感覺上這套電影與《Rachel Getting Married》在性質上幾相似，把一件很小的事放在大螢幕上公映，效果亦不俗。
評分：
啱啱部機整番好，又隔左成個月冇打影評，好似有少少空虛，所以趁住考試前有少少時間，盡量趕起一部分電影先，呢套係其中一套今年睇既舊片，因為當時對電影冇乜熱誠，所以只係聽過套戲既名，而唔係好知個內容嗡乜。睇完之後，覺得套戲都真係值得一睇，無論Casting，抑或場景內容，都引人入勝，難怪在Academy Awards上有好成績。
套戲在cast方面都幾強，兩位男主角Heath Ledger同埋Jake Gyllenhaal都好為部戲，不惜出賣色相，拍一齣膾炙人口既同志愛情片，可能係部戲夠深度，佢兩個演出黎先有那種味道。而另一位做幾好既係Michelle Williams，之前在《Synecdoche, New York》曾經見過佢既芳蹤，但係顯然呢部戲既發揮比較好。仲有其他戲份唔多既角色，一一都做得唔錯，因此呢part係呢部電影既致勝之道。
我最唔鍾意套戲既地方係個結局，因為我覺得部戲應該「有情人終成眷屬」，可惜Jake Gyllenhaal臨尾死左，呢段感情算係唔能夠開花結果。
評分：
真係好開心，隔左兩個半月，終於完到上年度所有要睇既電影，亦代表住好快就會有JNK Film Awards既出現，首先會有semifinals先既，記住密切留意住幾時會post。呢套《Milk》其實夾雜左d真實同埋虛構成份，講緊Harvey Milk既政治以及感情狀況。
根據片末既人物介紹，真係wonder呢個傳奇政治家既多段同性戀感情關係。Sean Penn一路都有好既表現，在《Mystic River》封帝之後，《Milk》係佢緊接既Academy Awards提名，佢雖然唔係話在套戲度大sell演技，但係當中既帶動情節部分都做得相當好，難怪可以以黑馬姿態再拿The Best Actor。其他男演員如Josh Brolin、Emile Hirsch、Diego Luna同埋James Franco都有不俗既表現，就連劇中較重戲份女角Alison Pill亦發揮得宜，成個cast都可以話係perfect。
套戲惟一令我有少少唔滿意既係情慾部分唔上唔落，又唔算激又唔算少，其實應該就番個真實情況而演繹出黎，唔好有任何地方保留，否則就會為一套幾好既電影大打折扣。
評分：
呢部《永久居留》，概念與《Brokeback Mountain》差唔多，其實出發點仲好過添，可惜個execution真係唔好，導演雲海仲話要整同志三部曲，下一套《安非他命》已經排期面世，但係佢在檢討番整部戲既時候，究竟有冇諗過如何改變呢？看來佢仍然依著理想麻目地實行。
今次導演刻意找新晉演員李家濠擔正，可能因為套戲唔會話太多人睇，大明星一定唔會應承拍，以刻意以一個高尚藝術品既形象上映，可惜，當中演員之間既露骨情節太多，根本令人消化不下，即使演員如何投入，也只會令部戲既色情感增加。
呢部戲既影評可算是有史以來最麻煩既一篇，因為有好多劇照都唔太適合放上blog，另外，資料搜集又繁複，真係搞到冇晒再睇港產愛情片既mood。
評分：
李安大導演上一部驚為天人既戲係同志片《Brokeback Mountain》，成功掀起全球對同性戀的存在有激烈既討論。在電影既層面來說，上次部戲真係好有水準，內容明確，演員投入，要挑剔既地方幾乎冇。相反，今次呢部《Taking Woodstock》，真係仲差過佢所製作既亞洲片，年代唔適合，內容繁複，唔入圍Razzie已經係算執番身彩啦。
套戲可能原本又諗住再製造熱潮，可惜事與願違，無論點睇都知道呢套戲唔會成功，原因係佢既風格太過舊，根本唔適合而家既電影市場，只不過李安想化腐朽為神奇，以為自己能夠好似上次咁，在國際舞台上大放異彩，其實急功近利式既製作只會淪為粗製濫造既程度，所以連演員都麻麻地。
雖然今次都有涉及d同志既成份，可惜其作用只是冇野搵野黎做，因為部戲唔應該將呢d唔太關事既野都擺埋落去。
評分：