世界上很多人都有超強的求知慾，尤其是關於他人的秘密，我們特別樂意聽。但秘密亦有負面的形象，在黑道或政場上，一個秘密隨時要人賠上前途，甚至性命。《The Ghost Writer》正是描述政壇的黑暗，大家對西方的政場可能不太熟悉，它並不像香港那樣簡單和諧，喜愛濫用言論自由傷害其敵對陣營的政客。在外國，政壇比娛樂圈還要複雜，無論言行或舉止都必須時刻保持警覺，而且要儘量把自己能被對手抓到的痛腳隱藏。因此，很多人都因為知道一些政客的秘密而人間蒸發，有的也遭到政治迫害。這齣電影的主人替某一位政治人物工作，但當他良心發現時，命運卻阻止了這次遲來的懺悔。
電影並沒有邀請很大的陣容擔綱演出，Ewan McGregor飾演Ghost Writer，他聰穎機智，能判斷事情的對錯，最後卻沒有退路。Ewan McGregor在這電影的演出十分不錯，他一如以往運用自己的魅力替角色增添色彩，並嘗試不同的電影風格，可算是很積極的演員，不過至今仍然欠缺一部代表作。至於Pierce Brosnan，他的形象很適合政客這個角色，唯一的問題是他好像不能擺脫以前James Bond的神態，略嫌有點過火。
我很欣賞電影的結尾，沒有清楚解釋Ghost Writer的死因，這亦暗示政界人做事不但心狠手辣，而且還不會留下任何證據。將來想從事政治的同學們，請慎重考慮再作決定。
評分：場景：3/5
音效：10/15
效果：13/20
演員：27/35
內容：24/25
總分：77/100
年終獎的考量：
The Best Picture
The Best Director---Roman Polanski
The Best Adapted Screenplay
The Best Actor Performance in Leading Role---Ewan McGregor (The Ghost)
The Best Actor Performance in Supporting Role---Pierce Brosnan (Adam Lang)
The Best Editing
The Best Art Direction
The Best Score
我個人好少睇政治電影，因為大多數內容都會十分悶，冇乜輕鬆既功效。在呢套《Invictus》入面，講個總統如何在出獄後籠絡人心，最後俾佢成功得到白人既歡心，安安穩穩地當一個南非總統。電影中以南非欖球隊做主線，講總統點樣利用佢地吸納人民支持，同時又安排左一幕幕既奇蹟出現。
演員方面，飾演南非總統既Morgan Freeman，比較出名既作品係《Million Dollar Baby》，佢今次既表現可謂近年較好既一個角色，內心戲逼真如現實。Matt Damon貴為影壇紅星，曾經係小生既佢一出道已有相當既演技，今次即使係配角，亦盡情流露應有演技，值得讚賞。整個欖球隊既演員都唔錯，不過就冇乜巨星水準。
較為可惜既就係，把運動政治化，吸引力已經大減，並且把兩者結合，然後在電影上表達，真係有好多悶位，所以無論班演員做成點，都無助挽回套戲既平淡評價。
評分：
真係好開心，隔左兩個半月，終於完到上年度所有要睇既電影，亦代表住好快就會有JNK Film Awards既出現，首先會有semifinals先既，記住密切留意住幾時會post。呢套《Milk》其實夾雜左d真實同埋虛構成份，講緊Harvey Milk既政治以及感情狀況。
根據片末既人物介紹，真係wonder呢個傳奇政治家既多段同性戀感情關係。Sean Penn一路都有好既表現，在《Mystic River》封帝之後，《Milk》係佢緊接既Academy Awards提名，佢雖然唔係話在套戲度大sell演技，但係當中既帶動情節部分都做得相當好，難怪可以以黑馬姿態再拿The Best Actor。其他男演員如Josh Brolin、Emile Hirsch、Diego Luna同埋James Franco都有不俗既表現，就連劇中較重戲份女角Alison Pill亦發揮得宜，成個cast都可以話係perfect。
套戲惟一令我有少少唔滿意既係情慾部分唔上唔落，又唔算激又唔算少，其實應該就番個真實情況而演繹出黎，唔好有任何地方保留，否則就會為一套幾好既電影大打折扣。
評分：
年尾倉底既電影，終於睇左一齣啦，原本呢套戲我係諗住睇既，但係後來又hold住先，點知最後都係拎番上手睇，真係幾麻煩。故事差唔多同真實故事一模一樣，係中間有d情節唔同。可取既係，成套戲電影氣氛好濃，令到我都覺得冇揀錯。
在睇呢套戲之前，對兩位男主角都冇乜認識。Frank Langella飾演President Richard Nixon，由佢在事件發生時既掩飾同埋恐懼，轉化成後來既承認同埋放開，都真係有番咁上下演技先可以駕馭得到個角色。而做David Frost既Michael Sheen，雖然佢冇因為呢個角色得到好高既榮譽，但係都證明到自己屬於有演技既actor，唔係靠名氣上位(P.S.其實佢唔係好出名)。
我覺得雖然故事既年代已經好遠，但係以現今既角度去睇一d復古講歷史既電影，都會學得到一d當時既生活文化同埋其他細節，以呢部戲為例，顯示到在70年代，美國政治既輿論壓力已經十分旺盛了。
評分：
年頭睇左《Changeling》既中文譯名，已經覺得套戲有少少懸疑feel，跟住有機會睇番d人地既觀後感，先知到Angelina Jolie負責飾演慘情母親既一角，聽落好似唔係好夠說服力，不過睇完之後佢原來係「禾稈冚珍珠」，即使做呢d同佢年紀唔相符既角色，都仲綽綽有餘。
有一個奇怪既電影現象，通常一d被公認為好戲既電影，當中總會有好多做得好好既演員，就呢套戲而言，Angelina Jolie身為一個失去左仔仔既阿媽，當中既堅持真係感動到d觀眾，尤其是佢入左精神病院既時候。而飾演官員既Jefffrey Donovan同埋幫表哥看門口既良心發現表弟Eddie Alderson，都已經做到好夠水準，所以話有好劇本同埋對手，就會事半功倍。
雖然套戲既主線既圍繞阿媽如何搵番個仔，但係亦都揭開左那個年代既政治黑暗，其實一般人都應該對呢d政治策略或黑暗一面，睇下呢類型既戲，都會令我地對這段歷史有更多既認識。
評分：