荷里活這個花花世界，電影的題材包羅萬有，最熱門的當然是最賣錢的商業片及奪獎保證的劇情片。這個故事屬於劇情類型，但有別於一般的迴腸盪氣的愛情親情片，由故事情節可見，兩兄弟的情誼與兩夫妻的感情會因為時間及環境有所改變，其中以西方人更為普遍，試比較中西方的親情片，中國產(甚至整個亞洲)的影片往往能夠觸動觀眾的心靈，但西方則著重於男女之間的愛情，即使由電影表達出的親情也不免失真，欠了一份真摯。而《Brothers》就屬於典型的西方親情片，但主線因不刻意造作而變得更加自然深刻，導演功夫不俗。
電影在選角方面都不錯，憑《Spider Man》系列紅極一時的Tobey Maguire擔正飾演心態轉變的軍人，以前偏向偶像路線的他，近來接拍較多的商業片，在這偶然的機會下，能夠獲得這個發揮極大的角色，為他打開了一條新的戲路。Natalie Portman被公認為圈中實力派演員，雖然從未得到過Academy Awards，但每一次的角色都栩栩如生，即將在美國上映的《Black Swan》更獲得影評人的賞識，認為她有潛力候選來屆Academy影后。Jake Gyllenhaal則無須多講，自從《Brokeback Mountain》一戲成名後，便多了很多片約，但角色深度平平，所以影響發揮，而此作則令他挽回劣勢，起碼讓更多觀眾留意他在這齣戲的演出，他可算是選對了角色。
其實不只上述三位演員，另外有一些不太重戲份的綠葉都做得不錯，不過不在此逐一品評。假若荷里活那些導演能夠著心籌備一齣親情片，相信本港的戲迷一定會受惠不少，同時亦大飽眼福。
評分：場景：4/5
音效：11/15
效果：13/20
演員：32/35
內容：21/25
總分：81/100
年終獎既考量：
The Best Picture
The Best Director---Jim Sheridan
The Best Adapted Screenplay
The Best Actor Performance in Leading Role---Tobey Maguire (Capt. Sam Cahill)
The Best Actor Performance in Leading Role---Jake Gyllenhaal (Tommy Cahill)
The Best Actress Performance in Leading Role---Natalie Portman (Grace Cahill)
The Best Young Actress---Bailee Madison (Isabelle Cahill)
The Best Ensemble Cast
The Best Editing
The Best Cinematography
The Best Make Up
The Best Score
The Best Song---Never Say Never (The Fray)
The Best Sound Effects Editing
另一齣打正旗號賣親情感人戲既電影，其實佢利用既橋段同《比悲傷更悲傷的故事》一樣，都係講有個角色患左癌症，但係兩套戲既演繹方式就有好大分別，可能呢d就係亞洲片同埋荷里活片既差異。講番套戲，一個聲稱自覺係姐姐代替品既女孩，入稟控告自己母親，目的要拿取自己的身體療養權，經過一番既了解後，原來係姐姐暗中設局，為左令母親明白自己已經準備好離開。
雖然今次套戲主要以青年人為主，但係三個比較多戲份既年青演員都拿掐得唔錯，相反，其他較多演出經驗既紅星都唔能夠就劇情發揮得宜，令到整體失重心，唔算得上係一般既水平。
以前荷里活既觀眾好鍾意呢類既溫情戲，可能這些已變得老生常談，所以唔算太受歡迎。不過，演員既水準一般，再加上劇情演繹得幾好，其實都算係咁啦。
評分：
睇完之後上imbd搵下套戲既資料，先知道呢部戲已經在2008年既美國上映左，雖然當時牽起既哄動不大，而套戲又拿到少少提名，但係我覺得成套戲著重於搞笑，反而愛情線唔會寫得太focus，最好既就係演員既配搭，三個外國有d名氣既演員們加上在《Babel》一脫成名既菊地凜子，睇起上黎真係唔覺得悶。
有好多笑片，因為加左一d大cast入去，令到觀眾會因為演員先入場，睇完先發覺套戲本身就有說服力，呢個現象主要因為喜劇在觀眾心中既地位特殊，在好與差之間，所以非必要都唔會入戲院睇。好似呢部咁，影帝影后級人馬擔正，之前拿既時候，兩位都是靠文藝片或劇情片揚威Academy Awards，今次參與喜劇，再一次向觀眾證明自己既演技唔係局限於某一種類型既戲。
菊地凜子今次轉型玩搞笑，我上外國網站都見到好多外國人意呢個崛起冇耐既演員，話佢夠kawaii喎，不過，作為一個專業既電影愛好者，我都覺得佢應該會在荷里活闖出自己既一片天，因為佢真係有d得人鍾意既感覺。
評分：
有別於Slumdog Millionaire既質素，雖則大家排場相近，但荷里活演員既任何方面都比初出茅廬既一眾小演員熟練。女主角Julianne Moore既演技無庸置疑，一個為照顧老公而冒險進入隔離中心既小女人，由個體發展到整體，照顧所有入住同一病區既病人，其精神值得一讚。另外，有幾位綠葉都唔錯，包括醫生Mark Ruffalo、妓女Alice Braga 等等。
評分：
在金像熱潮過後，相信很多觀眾和我一樣，對這部許鞍華既作品都有很大的興趣，的而且確，這部電影充滿無窮既魅力，連我這個一向不愛看港產片既電影迷，都要向這部電影投降。我亦決定將會在來年看五部港產片，以免錯過一些實在可以媲美oscar大片水準既電影。呢部《天水圍的日與夜》，雖然內容上沒有刺激，但戲中演員每個真摯既表現，真的很貼合我們住喺這些屋邨人既心理。其實我睇到有共鳴，好可能係因為我都係住喺電影所拍既嗰一條邨咋。
在於演技既層面，兩位喺電視圈打滾多年既女角當然表現得好，鮑起靜塑造出一個良母既形象，而陳麗雲則演出獨居老人既愁緒。但最令人眼前一亮的，就是入圍新演員獎既梁進龍，佢雖然係新人，但可能冇經驗既關係，演得比一般新人自然，令佢表現得完全唔似新人，希望佢可以繼續做好d啦~~~~
呢part conclusion，我都唔知有野可以彈，唯獨我而家搵緊呢部戲既dvd，呢部戲簡直能觸動觀眾的心靈，目前來說，呢部電影係我睇過以來，最好既一部《天水圍的日與夜》！