呢套《狗店風雲》，年初在香港上映，望落去好似Miley Cyrus做既青春劇咁，冇乜大既賣點。套戲事實上真係好簡單，只係講兩姊弟如何拯救流浪狗被捉拿既命運，途中認識左三位志同道合既朋友，結局寫得幾好，透過這些年少無知既行為，令到已長大既成人得到感化。
驟眼看來，套戲似乎要sell劇情，而非戲中演員，所以今次並無強大cast可言，不過正因為咁，成班人先可以在拍攝期間玩得放d，完全冇身份既限制。雖然戲中大多是年輕新世代，講演技真係初出茅廬既功力，不過拍住d唔錯既諧星，整體發揮實際上都已經不過不失。可惜既係呢套戲真係一個演員都唔識，好難睇到箇中演員既進步。
一連睇左幾套無咁大迴響既戲，發現其實荷里活明星要紅，真係好睇時機既成熟，因為假若部戲紅左，當中既演員會被社會看高一線。好似呢部咁，冇乜口啤既，無論靠乜野去谷，都只會徒勞無功。
評分：
場景：7/10
效果：20/30
內容：20/30
演員：18/30
總分：65/100
年終獎的考量：
The Best Original Screenplay
The Best Actor Performance in Supporting Role---Don Cheadle (Bernie)
The Best Ensemble Cast
The Best Editing
The Best Score
The Best Song---A Beautiful World (Tim Myers)
The Best Song---It had to be you (Motion City Soundtrack)
The Best Partner---Emma Roberts, Jake T. Austin, Johnny Simmons, Kyla Pratt & Troy Gentile
The Best Ending
The Best Scene---Dogs run on the roads
The Prettiest Actress---Emma Roberts (Andi)
The Best Young Actor---Jake T. Austin (Bruce)
The Best Young Actress---Emma Roberts (Andi)
The Best Trailer
向來這類講地球滅亡既科幻片，d觀眾都會有幾大既興趣，可能因為呢個片種令觀眾有共鳴，同埋拍出黎d畫面好逼真，我地睇完直情好似親身經歷咁。入番正題，呢部戲俾我既印象唔錯，由頭到尾到引人入勝，劇情十分緊湊，可惜臨完場冇晒驚喜，同埋唔知佢想暗示d乜。
出乎意料之外，d演員個個身守其份，主配分明，冇話邊d冇演技，或者太突出。在呢part，我想講下d小演員，因為今年睇既戲大多冇乜做得好既小演員，所以本人認為Chandler Canterbury算係做得唔錯，同Nicolas Cage都幾合拍，而且呢個不過係佢第五部幕前演出，證明佢好大機會成為明日之星。
最後，呢部戲做得較出色既係剪接部分，不同時間既過渡做得簡單而明快，有時候無需要太多花巧，只是一些基本既技巧，已經可以把電影發揮到用得其所既效用。
某次坐巴士出九龍，經過旺角既時候，唔小心見到張poster，先醒起呢套《魔幻聖誕頌》會上映，再細心d睇下，原來係有Jim Carrey擔大旗既《A Christmas Carol》。記得係二月oscar之後，呢套戲已經開始有plan，諗住佢唔會咁快上畫，點知未到年尾己經搞掂，準備在當地(美國)聖誕節上映，不過唔駛等到christmas，香港已經提早上畫，唔少影評人都有點失望，批評此舉乃是拔苗助長。
原本一套動畫安份守己，唔應該有呢一部分既詳細闡述。豈料除了cast明星配音外，導演卻想到cast明星參與演出，正面來說，呢個演繹能夠配合所展現既年代，亦增添左整套戲既真實感；但負面地看，佢其實選擇了「危機」─把危險化為機會。坦言導演做左個成功既示範，可能係因為Jim Carrey一人分飾七角，仍保持高水準既演出，可謂值回票價。
雖然呢套戲被列為改編電影，但其內容跟我知道既原著版本並無太大既分別，值得一讚既係佢既真實感，同埋整套戲既華麗效果，暫時冇一套戲能夠媲美。如果迪士尼公司去年以如此質素既電影推上市場，我相信一定比《Bedtime Stories》來得更好既結果。最後亦於此恭喜第一屆金像影后惠英紅能夠在廿七年後，於金馬獎憑《心魔》飾演德仔母親一角首奪最佳女配角，希望她能夠繼續保持氣勢，續於明年香港金像獎再下一城，有幸兩度成為金像影后。
唔記得呢套戲幾時上，由始至終我都覺得呢類型既戲有市場，而男主角Brendan Fraser 做呢d戲做到家喻戶曉，難怪每次呢種類型既電影都有一定入場既座上客。今次再拍住細路女擔大旗，都是佢近來既作風，再加埋金像影后既綠葉陪襯，呢套戲都有番咁上下水準。
Brendan Fraser再度飾演冒險角色，雖令觀眾百看不厭，但其技巧仍未做到傳奇既地步。個人而言，佢應該試下其他較有發揮既角色，不要再做英雄好漢，閒時應試煉一下自己演其他性格角色既潛力，不過美國電影業正在緩慢地衰落，佢呢d動作片明星上左年紀，就好難再做到大眾化既片種。出道短短四年，Eliza Bennett都做得幾好，不過少了比較，無法突顯其出眾。
到了最後，我都唔知有甚麼批評，只係覺得佢有d野好似Bedtime Stories，不過大家同樣都係講故事，男主角都係有份量之人，但係相比之下，呢部睇起黎順眼得多，技術水平高好多。
之前奧斯卡影后大戰，Kate Winslet可謂獨佔鰲頭，就算係《Doubt》既Meryl Streep都唔係佢對手，成功捧走小金人，被城中影評看為第二個Meryl Streep。站係Meryl's fans既立場，我覺得Kate真係有d似Meryl，不過講到呢套戲，我就認為鏡頭過份吹噓情慾，色情/祼露鏡頭佔大多數既重要情節，難怪套戲喺香港上映時要變做三級。
開頭睇trailer，以為呢部都算係唔錯既愛情小品，d演員整體黎講都幾有睇頭。後來聽到兩位同學既短評，大抵估到呢部戲應該行錯路，用左雜亂無章既手法。最後，經過親身經歷之後，我覺得成部戲扮高招，完全同其他同學既feeling差唔多，我諗呢部都算係爛片(枉我在第二次篩選都刻意留低呢部戲)。
通常呢part都會評下演員既演技，但係今次既 lack of focus，令人好難去給予演員們意見。不過，「爛船都有三斤釘」，有d經驗既都會故意做得投入，令呢部題材貼合現實生活既電影，加添畫蛇添足之效。片中更訪問不同既非演員人物，搞到部電影成部記綠片咁，偷雞不著蝕把米。 
其實部電影冇乜咁特別，亦都帶唔到愛情喜劇應有既元素，可算是近來失敗之作。即使有同樣既資源，其他導演既功架應該可以拯救到部片，我希望下一部愛情喜劇能夠帶到驚喜予觀眾。
有別於Slumdog Millionaire既質素，雖則大家排場相近，但荷里活演員既任何方面都比初出茅廬既一眾小演員熟練。女主角Julianne Moore既演技無庸置疑，一個為照顧老公而冒險進入隔離中心既小女人，由個體發展到整體，照顧所有入住同一病區既病人，其精神值得一讚。另外，有幾位綠葉都唔錯，包括醫生Mark Ruffalo、妓女Alice Braga 等等。
評分：
講番係上黎，舊年oscar片我都差唔多睇曬咁濟，呢部都算唔差lu~~~因為佢比slumdog millionaire 吸引好多，我由頭到尾睇晒成部戲，完全part part相扣，冇乜悶場，雖然內容方面唔係話特別突出，可能你地會覺得好普通，不過我認為呢部電影實在可以獲得好高既評價。
評分：
呢部喺奧斯卡攞左最佳影片既電影，原來真係外國style既人先有共鳴，我並唔係話自己中國化，知不過我真係覺得呢套戲d情節over 60%都好悶，我懷疑上屆奧斯卡既標準係咩。話雖如此，呢部戲的而且確有佢吸引既地方，但overall我認為坊間將佢吹捧得過左火位而已。
其實演員眾多，好難去評定邊個好邊個唔好，基本上所有年輕演員都有唔錯既表現。事實上成年既演員都唔差，但係始終比後生嗰班比下去。可惜既係個劇情太悶，無論演員既演技點樣好，成套戲都容易比劇情拖垮。
總結部分冇乜好講，因為由頭到尾套戲都好悶，我真係未試過睇一部戲，期待佢快d完，唔好再拖泥帶水，我諗呢部戲仲衰過New in Town呀。
評分：
之前睇過段trailer，諗住佢會好搞笑，但原來呢套真係純粹喜劇咁簡單，雖然相比下都算話有d內容，不過佢套戲帶出既訊息就好籠統，叫d人唔好用大話換取任何野，因為有得必有失，聽落去好似有d向時下年青人說教，不過無論如何呢部都算係成功既喜劇。
評分：
荷里活又一愛情"悶"戲，睇之前以為內容應該接受到，唔會講d好dull既話題，點知成套戲咁短，都可以講到d野七國咁亂，即使眾演員如何落力，都谷唔到部戲，反而賣到自己d演技，唔知個casting係咪特登玩野，除左主角之外，d演員全部都上晒年紀，令人睇落去更加down。
基本上個個演員都演得差唔多，全部平起平坐，唯獨我認為Harry Connick Jr.既演出係平凡中最不平凡，但係成套戲佢似男配角多過男主角，所以提名嗰度會作男配角既安排。另外，飾演秘書既Siobhan Fallon都幾好，戲份又多，演技又老練，個女主角完全比佢比左落去。
雖然我喺呢部戲唱反調，但我幾欣賞佢sell景時落既功夫，我諗cameraman做既時候都唔會好輕鬆。可惜既係無論如何都將事情複雜化，其實件事好容易就可以表達出黎，所以導演喺呢方面就要好好注意下。
評分：