近期有外國娛樂圈組織進行統計，Meryl Streep是近三年最賺錢的喜劇女星，單是一套《Mamma Mia!》已經超過不少同行，而且她還戲劇喜劇兩邊拍，讓不少觀眾都不得不佩服她的專業演技。我個人是她的忠實影迷，在imdb剛剛發出左在新電影《The Iron Lady》飾演Margaret Thatcher的大頭相，眼看已經被她的氣勢震攝住，希望她明年有好成績。《It's Complicated》可算是暗淡無光之作，原因係Meryl Streep另一套角逐影后的喜劇《Julie and Julia》比這一套出色，觀眾看完過目即忘，我亦都是其中一份子。
我會睇呢套戲的原因，相信都不言而喻，完完全全都係Meryl Streep。未必有人明白她如何有影響力，她在呢套戲仍然是主角，毫無難度地演繹失婚婦人的角色，我覺得人物背景和《Mamma Mia!》的Donna差不多，不過她都具備說服力。另外兩位男角Steve Martin及Alec Baldwin由主變配，但係在呢齣戲冇驚喜，所以不予太多評論。
我現在十分期待Meryl Streep版的戴卓爾夫人，據初步估計，呢套戲應該五月拍峻上映，為她力爭第三座小金人鋪路。
評分：場景：2/5
音效：8/15
效果：11/20
演員：26/35
內容：17/25
總分：67/100
年終獎既考量：
The Best Original Screenplay
The Best Actress Performance in Leading Role---Meryl Streep (Jane)
The Best Ensemble Cast
我仲記得，有一次去左九龍灣某間戲院，臨走既時候見到呢張poster大大張擋在門前，開頭覺得應該唔錯(雖然我唔太鍾意男主角)，點知原來套戲又係用時光倒流既招數，夾硬將Zac Efron由20年前帶左番2009年，戲前flat到爆，集勵志、愛情、運動及學校生涯於一套戲度，簡直可謂有點粗製濫造，同埋成套戲賣緊既係Zac Efron所謂既「靚仔」樣與及型格，擺明淨係俾d女仔睇。
我曾經睇過一個影評，話Zac Efron在呢部戲既演技進步左，比起d後生仔鍾意既《High School Musicals》系列有一大躍進，不過，我覺得佢其實適合行冒險電影既路，始終佢figure幾好，個樣又唔差，如果齋sell樣，拍d青春電影，佢好快就唔會紅。雖則這部戲既演員並無太大既演技之談，不過整體而言，令人有一種格外舒服既feel，睇起上黎都幾投入。
最後，我認為Zac Efron其實算係近年來最有觀眾緣既新晉演員之一，佢如果可以拍d高質素既藝術片，不再流於商業片市場上既競爭，佢應該會闖出另一番新天地。睇完套戲，令我諗起《The Time Traveler's Wife》應該會同呢套差不多，希望後者能夠更加感動，拍得更有水準啦!