The Best Actor Series 2009

終於到左講演員系列啦，第一就係Leading Actor系列，在我上年度睇過既五十套由我精心挑選既電影當中，最後由呢五位男主角脫穎而出，角逐男演員最高殊榮。五位入圍演員有金像影帝，有年輕偶像，亦有舞台劇專業演員。大家一齊睇下佢地有乜野演技，值得獲取一個提名。

第一位： Dustin Hoffman 《Last Chance Harvey》
呢套戲可以話係近年一套做得比較好既溫馨愛情小品，主要原因1係因為兩位主角，當中男主角Dustin Hoffman更係演繹得十分細緻。呢d角色佢其實冇乜演過，而角色需求亦可以靠生活經驗揣摩，但係佢真係演得份外吸引，即使兩位主角已有一定既年紀，但仍靠演技贏得一致好評。Dustin Hoffman當然來頭唔細，曾經在80年代憑《Kramer vs. Kramer》及《Rain Man》兩奪Academy Awards影帝，雖然佢已經七十多歲，仍未放棄演戲，真係值得敬佩。
佢在呢套戲雖然擔正，演出其實唔算話太突出，不過相信佢日後可以行更多戲路。

第二位： Philip Seymour Hoffman 《Doubt》睇佢個樣真係唔似，原來佢今年都只係四十幾歲，呢個年齡正係演員既全盛時期，佢既星途又咁好，所以已經第一次以《Capote》入圍Academy Awards就拎左The Best Actor。今次在呢部戲，佢既神父角色再次俾佢入圍最佳男配角既項目，雖然最後輸左，但亦贏得觀眾既欣賞。但我睇完呢部戲時候，覺得佢既戲份比例同埋角色都屬於男主角，所以佢既精湛演技為佢帶來提名。
呢個角色原本冇乜問題，應該好大發揮，但係全套劇既明星眾多，幾乎每個演員都可以令觀眾注目，尤其Meryl Streep，所以佢好似有d被比下去。

第三位：Joseph Gordon-Levitt 《(500) Days of Summer》
呢位演員三十出頭，演藝經驗都有廿年，但係在成年的演藝生涯之後，近幾年先至惹人注目，呢套戲可謂佢既成名作，之後既《G.I.Joe: The Rise of Cobra》奸角仍嘗試演技既突破，成功獲得觀眾既讚嘆。然而，佢在娛樂圈既開頭唔差，相信呢位明日之星應該好大機會角逐Academy Awards，講番部戲，佢既角色其實唔係太講演技，但係就勝在那未經太多琢磨既演技看似自然。 其實佢既角色好似《Last Chance Harvey》既Dustin Hoffman咁，雖然擔正，但係因為冇乜出位，所以佢既角色魅力有限。

第四位：Frank Langella 《Frost/Nixon》
呢位演員可能在舞台上曾經演過同一個角色，所以我睇套戲既Trailer既時候，真係覺得佢可以做得到角色需求既震撼，尤其是佢好肯定既答案、眼神同埋手勢，我真係以為佢係真既尼克遜總統。佢所演繹既方法，真係可以將歪變直，明明佢係錯，但係都可以俾佢解釋得頭頭是道，真係佩服呢位演員。
唯一個角色冇番咁上下既演員襯托，就算佢演得再好，都可以話係於事無補。

第五位：Sean Penn 《Milk》

荷里活一般都唔喜歡同志角色，而呢位兩屆Academy Awards影帝就化腐朽為神奇，第一次憑《Mystic River》在四度提名下首度封帝，而今次則憑呢部戲二奪影帝。佢演出其實真係有種唔同既力量，可能佢演技出神入化既關係，因此Sean Penn能夠拎多次影帝，我又覺得佢有d基味，對佢來講算係一個優勢。
不過我本人對佢呢個角色有少少反感，因為我覺得做同志角色既演員既必要條件係Sean Penn冇既，就係個樣起碼要睇得。

Honourable Mentions：
1.Jim Carrey 《A Christmas Carol》
呢位喜劇專業演員，做過劇情片《The Truman Show》，但係佢做動畫都ok，不過因為有好多效果都係電腦整出來，所以都唔算係自己做晒，而冇得入圍。
2.Philip Seymour Hoffman 《Synecdoche, New York》
唔係話一個演員唔可以有多個一個提名，佢又唔係做得好差，但係呢個角色好似爭《Doubt》既演出相差幾遠，雖然套戲粒粒明星，但係都無法突顯呢個角色既特點。