第一位：Bill Irwin 《Rachel Getting Married》
事實上，我都唔係好記得佢個角色既細節，只係記得佢係在戲中做Anna Hathaway既爸爸，唔講唔知，呢位演員其實主攻電視劇市場，不過星運平平，一向都冇乜名氣，自從做左部戲之後，佢有番多左知名度，但係都唔及同劇既其他主要演員。佢飾演一個痛錫自己女兒既爸爸，即使女兒有如此不快，留下污點既過去，佢仍然繼續支持，佢個角色真係有少少令人感動。佢演呢個角色問題不太大，但係過於平淡，不夠搶戲既激動，亦好似冇左d火咁，唔知可以點批評佢。
第二位：Stanley Tucci 《Julie & Julia》
其實佢上年有兩套戲上映，一套係早d既《The Lovely Bones》，而另一部就係呢套。可能睇落去，佢在套戲好似淨係襯托Meryl Streep，唔算有太大既發揮，但係佢以五十歲之齡飾演Meryl Streep老公，都算係有幾道板斧，因為如果年齡相差如此大，佢一定要化妝及演技先可以做得好，亦證明佢戲路較廣。但係佢好難吸引到觀眾既注意，即使我亦對呢位老前輩冇乜感覺。
第三位：Jude Law 《Sherlock Holmes》
佢今次做Robert Downey Jr.既助手，去偵查一宗懸疑案件。見到佢戲份唔算太多，但係卻發揮到綠葉扶持既作用。要用一位好既綠葉，唔一定要太多戲份，亦唔需要去搶戲，因為本身已有氣質去吸引觀眾既注意。曾經兩度提名academy Awards，佢已差不多步入四十歲既關口，還望佢有更多主演既電影上畫。佢唯一既缺點就係外型，因為佢有不羈瀟灑既外表，感覺上佢唔算係演技派，當然會影響佢接片拍既機會。
第四位：Josh Brolin 《Milk》
佢在未夠廿歲既時候已經踏足娛圈，做左好多年先至捱到有機會提名Academy Awards，佢應該恨左好耐。基本上奸角較忠角容易發揮，因為除左內心戲之外，亦可以有其他表現既範疇。佢雖然在後半部先出現，但係佢反對同性戀既動力真係好大，甚至殺人，佢仍可以演得平靜，符合角色既需求。不過佢同劇中其他角色相比就爭好遠，起碼得唔到我既好感。
第五位：James Franco 《Milk》
佢係在五位入圍演員最年經既一個，但係佢演藝圈經驗並唔少，佢由十九歲開始做，做左好多年都係瓶頸角色，近年雖然多左機會，但係都仍然冇變過角色性質，直至呢套戲既出現，終於可以俾佢接到唔少有發揮既role。佢在呢套戲飾演同志，畢竟佢自己唔係，飾演此類角色實在有一定難度，兼且見到佢魅力四射既演出，不禁認同佢既實力。
佢在呢套戲為左配合Sean Penn，個外型都執到好唔掂，呢一點係我最唔鍾意既。
Honourable Mentions：
1.Brian Lee Byung Hun 《G.I.Joe: The Rise of Cobra》
今次得一個，因為其實男配角既質素參差。已經在韓被公認為演技偶像派既殿堂級演員李秉憲在其實呢部戲唔算做得好好，但係我覺得作為一個亞洲演員，能夠進身荷里活，已經難能可貴，佢仲要拍動作片，體能消耗十分大，所以我覺得佢既精神值得一讚。
沒有留言:
張貼留言