第一部：《天水圍的日與夜》 (The Way We Are)
其實我在舊年四月因為金像獎既影響先至開始認真睇港產片，而呢部亦成功突圍而出，佔左十大電影既其中一席。原因真係好簡單，雖然呢部戲同其他西片比較起來，execution係冇咁好，但係當中既地方情懷以及人物角色性格刻劃，則遠勝好多外國片，我鍾意呢部戲主要都係因為有共鳴，亦能惹起觀眾對社會既關注，帶出有意義既訊息。正如上一段提及過，execution真係一個比較大既缺點，尤其是中間穿插既片段同埋結尾，雖然此片不是在於行商業片路線，但係亦要拍得電影化，因為睇起黎既感覺完全做唔到電影feel，而係一d真實既紀錄片，此乃這片種既大忌。
第二部：《The Curious Case of Banjamin Button》 (奇幻逆緣)
兩個人既相遇，其中有一個既生命要逆轉而行，呢類既fantasy其實買少見少，當然要做得好先至可以吸引到觀眾，整體黎講，套戲真係幾好，相比起差唔多內容既《The Time Traveler's Wife》，望落去好似cast大d，但係連演技同埋劇情都綽綽有餘。唔單只咁，內容講個男主角既經歷，完全係迂迴曲折，感情事又因為自己特殊既生存方式而不得意，觀眾睇完都會覺得置身其中。不過，有些微不足道既地方仍然要講下，首先就係個選角問題，Brad Pitt都算係有足夠既演技應付呢部大製作，但係我唔明解佢只係take care左三分一部分既男主角戲份，相比Cate Blanchett，她則cover四分三戲份，我覺得有d偏離左主體。即使套戲如何靠劇情同埋感情位引人入勝，這些令人費解既瑣碎事情都會影響成部戲既評價。
第三部：《Rachel Getting Married》 (愛與痛的「嫁」期)
故事以一個「成功」戒毒人士為主線，說明屋企人對佢一直以來既支持同埋鼓勵，透過一件簡單既生活小事，道出佢身邊既人對佢既唔同睇法，雖然故事係有虛構成分，但係以電影方式表達呢d值得人關注既訊息，都算「一部起、兩部止」，但係套戲做出黎又幾ok，入面所描繪既境像都十分細緻，令觀眾都幾受落。然而，套戲未免有點化小事為大事，因為成套戲只係講過佢家姐結婚，我認為呢部戲應該集中講多d生活上會遇到既逸事，反而更能帶出主題。套戲個名(特別係英文名)十分之唔貼題，不過有時d電影唔定跟住個名講故事，所以不會因為戲名而扣分數。
第四部： 《Blindness》 (盲流感)
講真，如果個Awards只係計我既喜好既話，我諗呢套戲應該會拎到The Best Motion Picture呢個大獎，因為我十分鍾意呢部《Blindness》，可能佢既表達手法同埋message既連接好smooth，而且唔會刻意邀請大cast造成震撼誇張既效果，最出名都只係Julianne Moore，其他演員既配合同埋戲份安排得宜，我個人覺得十分討好。雖然部電影較為貼合現今情況，但係當中亦有d預料之內或者係「無厘頭」既情節，可能有人會覺得礙事，但我仍然覺得呢部戲已經算係超水準既作品。
第五部： 《A Christmas Carol》 (魔幻聖誕頌)
改編自Charles Dickens既同名文學故事，經過咁多既流傳，終於有一齣廣大播放既電影翻拍整個故事，我仲記得我中二上堂既時候miss講過，自己做book report又借過黎睇，所以都幾了解個故事既內容同埋message。呢部電影之所以入十大，最直接既原因係佢同原著差唔多，改動既野唔算太犀利，而一d現代既技術及效果更加美化左成個故事，值得一推。唯一要批評下既係部戲既演繹方式，所謂既半動畫，就好似差唔多上完既《Alice in Wonderland》一樣，夾雜左真人同埋動畫既元素製作角色，呢一類動畫令觀眾覺得角色好真，但係會成日忽略左故事內容，難以在欣賞時候取得一個適當既平衡。
第六部： 《Doubt》 (聖訴)
劇力萬鈞，cast強勁，十部電影入面只係得《Doubt》做得到，呢部戲入十大絕對唔係只係因為Meryl Streep，而係所有角色既功勞，兼且今次內容涉及好多教會問題，有好多電影都會避嫌談及，而呢部戲則恰到好處，把角色定型以便鞏固劇情，做到劇情片亦可以吸引到觀眾入場。不過，始終劇情片實在太緊張，而且套戲既背景太遙遠，對現今觀眾而言的確有些少難度，惟演員同埋劇情挽救，亦不能「以偏概全」(收復失地)。
第七部： 《Black Ice》 (誰和誰和誰有路)
根據另一個網上影評人Donald Kwan顯示，呢部戲係屬於北歐國家芬蘭既製作，固然d演員唔係咁熟口面，但係勝在套戲內容普通得帶起伏，導演所選擇既演繹手法完全有別於一般電影，即使劇情較複雜，但係靠一眾演員同埋導演既功勞，令到成套戲好比荷里活大作。當中故事既三位主角真正經歷「三角關係」，不只係男與女在性慾方面既糾纏，而且還在兩位女主角中間加插愛情既纏綿關係，其實題材都算新鮮，不過香港觀眾未免接受唔到套戲既flow太快同埋咁複雜既三角關係，不過呢d都只係好小既問題。
第八部： 《(500) Days of Summer》 (心跳500天)
呢部都算係一部別開生面既愛情喜劇，在美國都得到唔少評協會既垂青，原因係套戲個script寫得幾好，雖然兩位主角在演技方面都有待改善，但亦成功造就左一套輕鬆愛情喜劇，當中所付出既努力都不容忽視。另外，劇情涉及愛情並不過火，結尾還以英文名作伏筆，讓觀眾細味當中含意，實在有趣。不過，始終呢部唔係大型製作，電影既號召力係會細d，而且部戲既亮點冇乜，變左有少少單調，劇情夠生活化，但係仲可以再貼近多d，我睇完都好似唔係好大感受。
第九部： 《Cloudy with a Chance of Meatballs》 (美食風球)
好奇怪點解Academy Awards唔俾個最佳動畫長片既提名，我本人覺得呢部戲比起該項目得獎者《Up》更好睇，當然呢個只係我既諗法。好少動畫會將呢個topic拍長片，我覺得個idea做得幾好，縱然有係會有不足，但亦無損我對呢部戲既印象。試諗下如果呢部戲變左真人拍既話，個結局會變左點呢？我唔係幾鍾意呢套戲d刺激情節唔夠放，雖然套戲主要觀眾係小朋友，但係佢都可以做到好似《Up》咁，俾到大人睇動畫。另外，個結局應該係偏向北情d既，因為咁先俾到小朋友深刻印象，從睇戲中汲取到角色給予佢地既教訓。
第十部： 《Frost/Nixon》 (驚世真言)
我其實因為睇左套戲既trailer，覺得套戲應該幾震撼感，所以先睇佢。一如我所料，Frank Langella真係演得唔錯，佢飾演前美國總統尼克遜先生，解釋一下水門事件，佢演出黎既「做錯事還理直氣壯」既模樣，實在令觀眾感受到佢既壓迫，而飾演主持既Michael Sheen都幾好，起碼睇落去好似俾總統先生嚇窒左先。即使呢個題材重拍又重拍，d觀眾都冇乜太大既反應，可能因為大家都預先知道劇情大玫上講乜野，對於呢d咁既題材，套戲其實只可以靠演員既投入同埋細節既安排取勝。
Honourable Mentions：
1.《Last Chance Harvey》 (愛‧不太遲)
由兩位老戲骨主演既愛情小品，睇落都幾有味，尤其是兩人感情發展既迂迴曲折，可惜內容只流於愛情，並無太大既深度，即使我都幾鍾意，仍然無法被提名。
2.《Synecdoche, New York》 (腦作大業)
套戲太多演員，劇情真係「戲中有戲」，將電影重心移向男主角對舞台劇既熱誠以及感情受挫，電影水準已算中上，惟未算太突出。
3.《Changeling》 (換命謊言)
Angelina Jolie演得比較好既一齣劇情片，整體不錯，但題材有點兒乏味，在處理上未見特別花心思，而場景設計又過份陰暗，雖能營造氣氛但不慎過火。
4.《Sherlock Holmes》 (神探福爾摩斯)
超出預期既想像，笑片中略帶劇情片既昧道，加上演員大多都有不俗既發揮，不過電影素質不算最頂尖，仍有不少改善空間。
5.《Milk》 (夏菲米克的時代)
不折不扣既人物傳奇，Sean Penn演得超凡，配角亦能適當做出襯托效果，功不可沒。不過電影可以把Harvey Milk既更多事件加入電影內容，放棄一些太多既男同志活動描述。
沒有留言:
張貼留言