第一位：許鞍華 《天水圍的日與夜》
呢位曾經三奪金像獎導演獎座既女導演，由八十年代初至今經歷廿載，仍致力拍好香港電影，努力尋找不同類型既題材，給予觀眾次次不同既視覺享受。今屆香港金像獎臨近在即，許鞍華又再次憑天水圍電影系列有份角逐最佳導演既殊榮，可見佢導演功夫真係唔簡單。講番今次呢部《天水圍的日與夜》，其實為已經帶左第三個最佳導演小金人俾佢，佢優勝既地方係佢刻意唔搵大cast演員，以營造親切和新鮮感，當中既主要演員都有番咁上下演技，佢都算係execute得幾好。可惜既係，套戲另外既演員唔係咁自然，出現呢d情況，佢可能覺得無問題，但係如果同外國導演比較起來，呢part真係令佢遜色好多，兼且部戲既連貫性欠順暢，身為導演一定責無旁貸。
第二位： David Fincher 《The Curious Case of Banjamin Button》
呢部戲可算係佢從導演工作以來，為佢帶來最多名氣既一部。佢八五年擠身導演行列，在十五年間都有差唔多二十部既作品，當然只係得呢一部可以令佢增加知名度。套電影本身拍得好，加上題材新穎，cast都算大，自然就吸引到觀眾入場。佢真係可以話居功至上，首先部戲既flow十分好，完完全全將主角既一生寫晒出來，另外套戲加入左好多好好睇既元素，令部戲奇幻得恰當。唔好既地方都冇乜，不過我覺得套戲既形式拍出黎好似《Titanic》咁，以倒敘既方式演繹，呢個其實真係導演既問題，不過睇起上黎都唔算太差。
第三位： Danny Boyle, Loveleen Tandan 《Slumdog Millionaire》
Danny Boyle相信大家都認，不過原本佢係拍電視劇，直至近七八年先真正轉行做電影導演，我相信上次個小金人對佢黎講真係意義重大。而第二位我提及既女導演，原本係做開選角，唯獨呢套戲同Danny Boyle一齊做導演，但係佢就被一眾頒獎禮忽視，所以我先提下佢。老實講，一部蜚聲國際既電影，差唔多全部角色都唔係主流既英國、美國人，都真得做得幾成功，尤其是故事中每一個情節既真實感，真係超出一般既想像。呢套戲既成功其實大多歸功於題材，雖然導演們既功勞亦不可抹殺，但大家有冇諗到過譽左呢部戲同埋兩位導演呢？
第四位：Stephen Daldry 《The Reader》
導演歷史得五套電影係手既Stephen Daldry，已經三度角逐Academy Awards既最佳導演，實力無庸置疑，而《The Hours》已經令佢聲名大噪。今次論到《The Reader》，佢一樣以出色既導演功架呈現觀眾，雖然故事唔係太複雜，但佢在處理演員同埋拍攝情節方面都幾好，真係達到大師級既水準。可惜呢位導演唔係好識避重就輕，把好睇細緻既放晒在前面，而後面就欠奉吸引力。同時，部戲有好多兒童不宜既地方，我自己覺得有少少過左條道德線，因為真係有d情慾部分可以刪除。
第五位： James Cameron 《Avatar》
《Titanic》導演James Cameron再次執導演筒，上演一場虛擬世界既領土之戰，在現實生活中，佢亦與前妻Kathryn Bigelow上演金像導演之戰，雖然最後輸左，但仍無損佢在電影圈高崇既導演地位，全因兩部令全球矚目既電影。今次《Avatar》，佢挑戰電影特效既極根，結果俾佢在危機中成功突破，獲得一致影評人同埋觀眾既讚賞。
但係我唔係好鍾意呢d太賣弄科技既電影，不過佢既導演功夫真係值得我俾提名佢，可惜人喜好問題。
Honourable Mentions：
1.John Patrick Shanley 《Doubt》
佢唔算係一個全職導演，佢主要係寫劇本，呢部係佢導既第二部戲，亦係佢在1990既《Joe Versus the Volcano》之後既導演之作。套戲其實幾好，cast太強，整體值得一推。
2.Clint Eastwood 《Changeling》
佢差唔多成個娛圈生涯都致力演出同埋導演，在佢決定息影之後，就全心導戲，呢部戲又真係幾得，不過有d位唔完善，希望佢日後有更多更好既導演工作。
沒有留言:
張貼留言