第一位： Cate Blanchett 《The Curious Case of Benjamin Button》
在呢個女演員身上，我睇到既係佢專業既演員精神，因為佢在呢部戲由年輕扮演到年老，個化妝都幾辛苦，兼且佢有番咁上下演技，我都有少少奇怪佢會冇Best Actress提名。佢可以算係頒獎禮寵兒，近幾年都有大大小小既頒獎禮，甚至係Academy Awards都有四個提名，一個獎座。不過，我覺得佢雖然唔係太靚，但係就有一種演戲既說服力。佢個角色很明顯地唔夠Brad Pitt咁搶鏡，不過勝在演得好，最多俾其他同劇演員搶下。
第二位： Anne Hathaway 《Rachel Getting Married》
佢在演藝圈浮沉過一排，一路以「俏公主」形象在娛樂圈殺出血路，直至遇到呢個角色，真正能夠令佢擺脫定型同埋話俾人聽佢係識得做戲，即使佢年紀輕輕，仍然可以多嘗戲路，值得一讚。呢套戲既道友角色真係為佢帶來好多榮耀及機會，即使套戲唔係高成本製作，但仍得到片商垂青，繼續片約不斷，相信佢應該會大有作為。不過佢同其他女演員相比，真係缺乏左唔少經驗，試想下如果佢個角色俾左Meryl Streep、Judi Dench或者係Penélope Cruz做，結果會係點呢？
第三位：Meryl Streep 《Doubt》
近年好少見到Meryl Streep做d嚴肅既角色，呢部係少數中做得較為出色既一個角色，佢飾演一個無憑無據而去迫走神父既修女，佢飾演既無奈同埋堅持，真係有好多女演員學唔到，呢個角色亦為帶來第十五個Academy Awards既提名，雖然佢近年來無獎緣，佢亦唔恨呢d自己都有既野，但仍然被傳媒譽為「The Best Living Actress」。我個人來說唔係好鍾意佢做d太嚴肅既角色，佢後生既時候都過好多，我會覺得有d悶。
第四位：Ria Kataja 《Black Ice》
我搵黎搵去都搵唔到佢自己一個solo既相，所以被逼貼張兩個女主角一齊既。一般睇過呢部電影既人都會覺得另一位女主角做得好d，但係我就覺得呢個好d。佢在套戲係做第三者，但係佢後來愛上左第一女主角，佢既認真和專業都令我有少少刮目相看，佢都係靠呢部電影得到國際知名度，希望佢日後會有更多機會在國際舞台上演出。佢既演繹方法其實已經爐火純青，但係如果可以強化角色既性格特點，咁樣會比較好少少。
第五位：Meryl Streep 《Julie & Julia》
呢個係佢今屆第二個女主角提名，同時亦係佢第十六個Academy Awards既提名，破左大會記錄。佢呢個喜劇角色得到好多人既喜愛，如果唔係Sandra Bullock突然爆左上黎，今年Academy Awards真係佢既囊中物。開我睇完部戲，都唔覺得佢演得有幾好，但係做埋資料搜集之後，先知道佢既演出真係無與倫比。如果佢既角色可以同Amy Adams既角色有多d聯繫既話，我覺得會好好多。
Honourable Mentions：
1.Paw Hee Ching 《The Way We Are》
縱橫電視圈幾十年，鮑姐一向都有高質素電影演出，上映左既《Crossing Hennessy》又有突破演出，佢既演技無庸置疑，我被佢呢個師奶角色感動，但係始終係小角色，冇辦法show到多重演技。
2.Julianne Moore 《Blindness》
在2010年，佢可算係得天獨厚，因為兩部上映既電影都獲得好評。呢部戲在2008年美國上映，雖然人氣唔算大，但係我覺得佢個角色幾搶眼，只不過同劇演員冇能力襯得佢起，搞到佢好平庸。
3.Emma Thompson 《Last Chance Harvey》
我曾經Struggle過俾唔俾提名佢，但係其他實力超班，而佢個角色唔算大role，所以冇辦法俾到佢，希望下次俾到啦。
4.Outi Maenpaa 《Black Ice》
貴為四屆芬蘭影后，實力當然強勁，不過我覺得同劇另一位女主角做比較好d，而仲有其他都做得幾好既女演員，所以佢變左Honourable Mentions。
5.Angelina Jolie 《Changeling》
前所未有咁有深度既演出，雖然題材唔算太新，但佢演得冇比其他相似既角色遜色，可惜仍然因為題材關係，所以冇左個題名。
沒有留言:
張貼留言