第一位：Taraji P. Henson 《The Curious Case of Benjamin Button》
佢呢套戲俾觀眾睇到個樣同佢真人個樣爭好遠，佢呢個樣真係好似d專業既演員咁，佢唔算好出名，不過在荷里活黑人演藝界算係有少少影響力，因為大家都會為黑人演員爭取應有既待遇，而佢都算係專業演員，所以都算係舉足輕重。呢個角色飾演Benjamin Button既養母，當然佢戲份都唔少嫁，起碼會在佢個角色度睇到，甚至感受到偉大既母愛，對於佢演技既評價有幫助。但係在另一個角度睇，佢只不過在一個平凡不已既母親，何況佢本身已是母親，好像對佢來說沒有大既突破。
第二位：Rosemarie DeWitt 《Rachel Getting Married》
對於一個只係演左十年戲既人來說，每一個提名都非常珍貴，佢可以算係唔好彩，因為大眾認為在2008年有剛好五位女配角比她出色，但係都無損佢在地影評協會拎獎。因為呢部戲，佢越來越受重視，佢做Kym既姐姐，一個將會結婚既幸福女人，一方面惦念自己既妹妹，另一方面又要容忍妹妹既野蠻和固執，佢精湛既演技，證明俾其他導演睇自己係識做戲既。不過套戲算係有少少累左佢，因為唔算太好既題材，假如題材可以闊d，戲份相應多些少，佢個角色就去到公認既高水準。
第三位：Kate Winslet 《The Reader》
佢一向都被觀眾認為佢有演戲天分，在《Sense and Sensibility》之後，不斷繼續挑戰Academy Awards，憑著好多優質既演出，終於俾佢在2008年拎到影后，一洗頹氣。佢就係憑呢部戲拎影后，但係我睇完套戲，我覺得佢只係屬於女配角之列，不過佢可以話係五位較為稍稍領先既一個，唔係因為佢肯露全相，而係佢演內心戲既效果實在好好，即使與新晉演員合演、做對手戲，都難唔到佢，所以勝算高少少。佢在片尾演出其實冇開頭咁凌厲，令我懷疑佢既演戲持久性，是否不能配合電影所需既要求呢？
第四位：Amy Adams 《Doubt》
我在睇呢齡戲之前，冇睇過佢演其他戲，所以我對佢既印象都唔差，我覺得佢有一樣野好神奇，佢已經過左三十幾歲，但係我以為佢仲係廿歲出頭既青春少艾，佢星途唔錯，唔係有發揮既就係商業片，我相信佢既吸金能力都有番咁上下。佢在呢部戲既角色做一個修女，一個品性善良，但又不甘被學生欺負既修女，佢既堅決眼神、肯定表情同埋言談，真係同想像中既角色如出一轍。不過唔知點解，佢好似睇落去好弱咁，可能因為年紀關係卦，但係都唔影響評審。
第五位：Viola Davis 《Doubt》
佢真係有唔錯既實力，因為佢只係短短出左鏡十二分鐘，就可以足夠提名最佳女配角，我都覺得佢做得唔錯，咁都證明左即使戲份唔多，但係只要show到自己既演技，都唔會被觀眾忽略。佢都係靠呢套戲打開知名度，同時佢又係黑人演員，當然會有少少與別不同，佢呢個母親角色都算冇搵錯人來演。不過佢戲份真係少左d，對佢角逐獎項來說，真係有唔細既影響。
Honourable Mentions：
1.Tilda Swinton 《The Curious Case of Benjamin Button》
佢雖然出鏡時間短，但係做Benjamin Button初戀情人都好貼切，我都覺得佢幾有演藝細胞，不過其他演員太強，冇辦法。
2.Debra Winger 《Rachel Getting Married》
做Kym媽媽，當然唔容易，呢位演員揣摩呢個角色得幾恰當，不過唔係太charming，無提名都唔出奇。
沒有留言:
張貼留言